ज्युरीच (एजेन्सी) – सन् २०१६को फिफाद्वारा घोषित ‘द बेष्ट’ पुरुष फुटबलर उपाधि विजेता क्रिस्टियानो रोनाल्डोले २०१६साल उनको करियरकै उत्कृष्ट सिजन रहेको बताएका छन्।
‘मेरो लागि यो पहिलो उपाधि हैन, तर मलाई पहिलोपटक यति खुसि महसुस भैरहेको छ। मा यसको लागि मेरो टिम, खेलाडी साथीहरु, मेरो परिवार, क्लबका स्टाफ लगायत सम्पूर्णलाई धेरै धन्यवाद दिन चाहन्छु।”, उपाधि जितेपछि रोनाल्डोले भने।
“२०१६ मेरो करियरकै उत्कृष्ट साल रह्यो। वर्षको सुरुवातमा मा आफैं अलमल्लमा थिएँ तर अहिले मैले जितेको उपाधिहरुले वर्णन गर्छन् कि मेरो लागि यो वर्ष कतिको फलदायी भयो।”, उनले थपे।
रोनाल्डोले जारि सिजन रियल म्याड्रिडबाट खेल्दै यूइएफा च्याम्पियन्स लिग र युइएफा सुपर कपका साथसाथै पोर्चुगलका लागि युरो २०१६को उपाधि जित्न महत्वपूर्ण भूमिका खेलेका थिए।
