काठमाडौं (हाम्रो खेलकुद)– बंगलादेशविरुद्ध दुई मैत्रीपूर्ण खेलका लागि अघिल्लो दिन त्यहाँ पुगेको नेपाली महिला राष्ट्रिय टोलीले बुधबार अभ्यास गरेको छ । नेपाल र बंगलादेशबीचको पहिलो खेल बुधबार ढाकास्थित वीरश्रेष्ठ सहिद सिपाही मोहम्मद मुस्तफा कमल रंगशालामा साँझ ५ः४५ बजे सुरु हुनेछ ।

गत वर्ष भदौमा काठमाडौंमा सम्पन्न साफ च्याम्पियनसिपको फाइनलपछि नेपाल र बंगलादेशले एक अर्काको सामना गर्दैछन् । पहिलो पटक साफ च्याम्पियनसिपको उपाधि जित्ने क्रममा बंगलादेशले नेपाललाई ३–१ ले हराएको थियो । नेपालले अहिले सम्म साफ च्याम्पियनसिप जित्न सकेको छैन ।

त्यति बेला आफ्ना आफ्नो टोलीको कप्तानी गरेका गोलकिपर एन्जिला तुम्बाप्पो सुब्बाको नेतृत्वमा नेपाल र फरवार्ड सविना खातुनको नेतृत्वमा बंगलादेश मैत्रीपूर्ण खेलमा उत्रने सम्भावना छ ।

नेपाली महिला फुटबल टोली

गोलकिपर – एन्जिला तुम्बापोा सुब्बा (कप्तान), अन्जना राना मगर, उषा नाथ

डिफेन्डर – अमृता जैसी, गिता राना, हिराकुमारी भुजेल, पुजना राना, विमला विके, निशा थोकर, समिक्षा घिमिरे, अन्चली वाइवा

मिडपिफल्डर – रेनुका नगरकोटे, सरु लिम्बु विमला चौधरी, अनिता बस्नेत, प्रिति राई, दीपा शाही

फरवार्ड – सावित्रा भण्डारी, अनिता केसी, सविता राना मगर, रश्मीकुमारी घिसिङ, अमिषा कार्की, रेखा पौडेल

प्रशिक्षक – अनन्त राज थाप (मुख्य प्रशिक्षक), पारस चौधरी (सहायक प्रशिक्षक), सुरजकुमार लामा (
गोलकिपर प्रशिक्षक)

व्यवस्थापक – विन्द्रा देवान