लन्डन (एजेन्सी) – लिभरपुल इङ्लिस लिग कप सेमिफाइनलको पहिलो लेगमा साउथह्याम्टनसँग१–० ले पराजित भएको छ । नाथन रेडमोन्डले पहिलो हाफमा गरेको गोल नै साउथह्याम्टनको जितका लागि पर्याप्त रह्यो ।
खेलको २०औ रेडमन्डले गोल गरेका थिए । लिभरपुलले फर्काउन नसकेपछि जर्मन किपर क्यारियसको सानदार प्रदर्शनले पाहुना टोलीलाई दोस्रो लेग अघि थप गोल भने खानु परेन । चोटका कारण केही खेलमा मैदान बाहिर रहेका काउटिन्हो दोस्रो हाफमा मैदान प्रवेश गरेका थिए ।
सेमिफाइनलको दोस्रो लेग एनफिल्डमा जनवरी २५ मा हुनेछ । मंगलबार भएको अर्को सेमिफाइनलको पहिलो लेगमा म्यानचेस्टर युनाइटेडले हल सिटीलाई २–० ले हराएको थियो ।
