1 year ago
July 16, 2023
काठमाडौं(हाम्रो खेलकुद)– नेपाल र बंगलादेशको राष्ट्रिय महिला टोलीबीचको दोस्रो अन्र्तर्राष्ट्रिय मैत्रीपूर्ण फुटबल खेल आज हुँदैछ । ढाकास्थित वीरश्रेष्ठ सहिद सिपाही मोहम्मद मुस्तफा कमल रंगशालामा खेल नेपाल समय अनुसार साँझ ५ः१५ बजे सुरु हुनेछ ।
फिफा डेटमा भइरहेको मैत्रीपूर्ण खेलको पहिलो खेल बिहीबार भएको थियो । त्यो खेल १–१ को बराबरीमा टुंगिएको थियो । बंगलादेशको गर्मी मौसमका कारण केहि कठिनाई भएपनि आक्रमण फुटबल खेल्ने नेपाली टोलीका मुख्य प्रशिक्षक अनन्त राज थापाले बताएका छन् ।
उनले बंगलादेश हालको साफ च्याम्पियन टोली रहेको उल्लेख गर्दै भने, ‘मैले भन्दै आएको छु पछिल्लो केहि वर्षमा बंगलादेशले महिला फुटबलमा राम्रो गरिरहेको छ । त्यसै कारण साफ च्याम्पिनसिपको च्याम्पियन टोली हो । टोलीको हामी सम्मान गर्छौ । जहाँ सम्म खेलको कुरा छ हामी जित्नका लागि हरसम्भव प्रयास गर्नेछौं ।’
सावित्रा भण्डारी सम्बाले इन्जुरी समयमा गोल गर्दै पहिलो खेलमा नेपाललाई हारबाट जोगाएकी थिइन् । बंगलादेशकी कप्तान सविना खातुनले पहिलो हाफमा गोल गर्दै नेपालमाथि दबाब दिएकी थिइन् । ४ मिनेट थप इन्जुरी समयमा सावित्राले गोल गर्दै टोलीको हार टारेकी थिइन् ।
गत वर्ष भदौमा काठमाडौंमा सम्पन्न साफ च्याम्पियनसिपपछि बिहबिार यि दुई टोलीले एकअर्काको सामना गरेका थिए । त्यति बेला पहिलो पटक साफ च्याम्पियनसिपको उपाधि जित्ने क्रममा बंगलादेशले नेपाललाई ३–१ ले हराएको थियो । नेपालले अहिले सम्म साफ च्याम्पियनसिप जित्न सकेको छैन ।
नेपाल र बंगलादेशबीच यसअघि १० पटक प्रतिस्पर्धा भएको छ । जसमा नेपाल ६ पटक जितेको थियो भने ३ खेल बराबरीमा टुंगिएको थियो । एक मात्र खेलमा बंगलादेश विजयी भएको थियो ।
नेपाली महिला फुटबल टोली
गोलकिपर – एन्जिला तुम्बापोा सुब्बा (कप्तान), अन्जना राना मगर, उषा नाथ
डिफेन्डर – अमृता जैसी, गिता राना, हिराकुमारी भुजेल, पुजना राना, विमला विके, निशा थोकर, समिक्षा घिमिरे, अन्चली वाइवा
मिडपिफल्डर – रेनुका नगरकोटे, सरु लिम्बु विमला चौधरी, अनिता बस्नेत, प्रिति राई, दीपा शाही
फरवार्ड – सावित्रा भण्डारी, अनिता केसी, सविता राना मगर, रश्मीकुमारी घिसिङ, अमिषा कार्की, रेखा पौडेल
प्रशिक्षक – अनन्त राज थाप (मुख्य प्रशिक्षक), पारस चौधरी (सहायक प्रशिक्षक), सुरजकुमार लामा (
गोलकिपर प्रशिक्षक)
व्यवस्थापक – विन्द्रा देवान
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]