default_image

11 months ago

July 20, 2023

आयोजक न्युजिल्यान्डको विजयी सुरुवात

153 views

0 Bookmark

एजेन्सी – आयोजक मध्येको एक न्युजिल्यान्डले नवौं संस्करणको फिफा महिला विश्वकप फुटबल २०२३ मा विजयी सुरुवात गरेको छ ।

घरेलु टोली न्युजिल्यान्डले नर्वेलाई १–० ले पराजित गर्दै समूह ‘ए’ मा विजयी सुरुवात गरेको हो । न्युजिल्यान्डको जितमा दोस्रो हाफमा हानह विल्किन्सनले गरेको गोल नै निर्णायक बन्यो ।

न्युजिल्यान्डस्थित अकल्यान्डको इडेन पार्कमा बिहीबार भएको प्रतिस्पर्धात्मक रोमाञ्चक बनेको खेलमा विल्किन्सनले खेलको ४८औं मिनेटमा ज्याकलिन हान्डको पासमा गोल गर्न सफल भएकी थिइन् ।

अन्तिम समयमा न्युजिल्यान्डको अग्रता दोब्बर पार्ने मौका पाएपनि रिया पर्सिभलले पेनाल्टी चुकाइन् । टुभा हान्सेनलले पेनाल्टी बक्समा ह्यान्ड गरेपछि प्राप्त पेनाल्टीमा हान्डको पेनाल्टी क्रसबारमा लाग्दै बाहिरिएको थियो ।

यस जितसँगै न्युजिल्यान्डले एक खेलबाट ३ अंक बटुलेको छ । पराजित नर्वे अंकविहीन छ । त्यसअघि नवौं संस्करणको विश्वकपको इडेन पार्कमा भव्य उद्घाटन गरिएको थियो । स्थानीय कलाकार न्युजिल्यान्डका र अष्ट्रेलियाका मल्लराटले उद्घाटन समारोहमा महिला विश्वकपको लागि आधिकारिक गीत प्रस्तुत गरेका थिए ।

अब न्युजिल्यान्डले २५ जुलाईमा फिलिपिन्स र ३० जुलाईमा स्वीट्जरल्यान्डसँग खेल्नेछ । नर्वेले २५ जुलाईमा स्वीट्जरल्यान्ड र ३० जुलाईमा फिलिपिन्ससँग खेल्नेछ ।

आज नै विश्वकपको दोस्रो खेलमा समूह ‘बी’ तर्फ अर्काे आयोजक अष्ट्रेलिया र रिपब्लिक अफ आयरल्याण्डबीच प्रतिस्पर्धा हुनेछ । यो खेल नेपाली समय अनुसार राति ८ बजेपछि एकर स्टेडियम (स्टेडियम अष्ट्रेलिया) मा हुनेछ ।

न्युजिल्यान्ड र अष्ट्रेलियाको विभन्न ९ स्थानमा आगामी २० अगस्टसम्म चल्ने महिला विश्वकपमा ३२ टोलीको सहभागिता रहेको छ । सहभागी टोलीलाई ८ समूहमा विभाजन गरिएको छ । हरेक समूहका शीर्ष दुई टोली प्रि–क्वाटरफाइनलमा पुग्नेछ । फाइनल सिड्नीस्थित एकर स्टेडियम (स्टेडियम अष्ट्रेलिया) मा हुनेछ ।

June 13, 2024

यु-२० एशियन कप: नेपाल समूह ‘बी’ मा  

काठमाडौं (हाम्रो खेलकुद) – नेपाल एएफसी यू–२० एसियन कप २०२५ छनोटको समूह ‘बी’ मा परेको छ । एएफसीको मुख्यालय क्वालालम्पुरमा बुधबार भएको ड्र समारोहमा नेपाल समूह बी मा परेको हो । नेपालको समूहमा उज्वेकिस्तान, बहराइन, चाइनिज ताइपेई र कम्बोडिया रहेका छन् । नेपालको समूहका खेलहरू सेप्टेम्बरमा चाइनिज ताइपेईमा हुनेछन् । नेपाली टोलीले छनोट खेल्न अघि […]

June 13, 2024

नेपाल, जापान र कतार एउटै समूहमा

काठमाडौं (हाम्रो खेलकुद) – एएफसी यु-१७ एसियन कप छनोटमा नेपाल एसियाली महारथी जापान र कतारसँगै एकै समूहमा परेको छ । बिहीबार भएको ड्र पछि नेपाल छनोटको समुह एफ मा परेको हो । समूहमा नेपालसँगै जापान र कतार बाहेक मंगोलिया रहेको छ । यस समुहका सबै खेल कतारले आयोजना गर्नेछ । छनोटका खेल आउँदो अक्टोबर महिनामा […]

June 12, 2024

यु-२० साफ: उद्दघाटन खेलमा नेपालले श्रीलंकाविरुद्ध खेल्ने

काठमाडौं (हाम्रो खेलकुद) – नेपालमा आउँदो अगस्ट १६ देखि २८ सम्म हुने साफ यु-२० पुरुष च्याम्पियनसिपको उद्दघाटन खेलमा नेपालले श्रीलंकाविरुद्ध खेल्ने भएको छ । दक्षिण एसियाली फुटबल महासंघ (साफ) ले बुधवार सार्वजनिक गरेको तालिकामा नेपालले उद्दघाटन खेलमा श्रीलंका विरुद्ध खेल्ने भएको हो । समूह ए मा रहेको नेपालले दोस्रो खेल पाकिस्तान विरुद्ध अगस्ट १९ मा […]

Success

Thank you for your time.