default_image

12 months ago

July 21, 2023

स्पेनको सानदार जित, स्वीट्जरल्यान्ड पनि विजयी

168 views

0 Bookmark

एजेन्सी – उपाधि दावेदार स्पेनले नवौं संस्करणको फिफा महिला विश्वकप फुटबल २०२३ मा सानदार विजयी सुरुवात गरेका छन् ।

विलिङटन रिजनल स्टेडियम विलिङटनमा शुक्रबार भएको खेलमा स्पेनले कोस्टा रिकामाथि ३–० को सानदार जित दर्ता गरेको हो । स्पेनको जितमा एइटाना बोनमती र एस्तर गोन्जालेजले गोल गर्दा एक गोल उपहार पाएको थियो ।

स्पेनले ७ मिनेटको अन्तरमा तीन गोल गर्दा २७ मिनेटभित्रै ३–० को आरामदायी अग्रता लिन सफल भएको थियो । त्यही तीन गोल नै स्पेनलाई ३ अंब बटुल्न पर्याप्त रह्यो ।

२१औं मिनेटमा भालेरिया डेल काम्पोको आत्मघाती गोलबाट स्पेनले गोलको खाता खोलेको थियो । २३औं मिनेटमा एइटाना बोनामतीले गोल गर्दै स्पेनको अग्रता दोब्बर पारे । उनले ओना ब्याटलको पासमा गोल गर्न सफल भएकी थिइन् ।

२७औं मिनेटमा एस्तर गोन्जालेजले गोल गरेपछि स्पेनले खेलमा ३–० को आरामदायी अग्रता लिन सफल भयो । ३४औं मिनेटमा जेनिफर हर्माेसो पेनाल्टीमा चुक्दा स्पेन थप अग्रता बनाउनबाट बाट चुक्यो ।

पहिलो हाफमै तीन गोल गरेको स्पेनले दोस्रो हाफमा भने गोल थप्न सकेन । २७औं मिनेटसम्म सम्हालिन नसकेको कोस्टा रिकाले दोस्रो हाफमा भने बलियो स्पेनलाई रोक्न सफल भएपनि नतिजा बदल्न सकेन । यस जितसँगै समूह ‘सी’ मा स्पेनले एक खेलबाट ३ अंक बटुलेको छ । पराजित कोस्टारिका अंक विहीन छ ।

शुक्रबारै भएको समुह ‘ए’ को खेलमा स्वीट्जरल्यान्डले फिलिपिन्समाथि २–० को सहज जित हात पारेको छ । डुनेडिन स्टेडियम न्युजिल्यान्डमा भएको खेलमा स्वीट्जरल्यान्डको जितमा रामोना बचमान र सेरैना पियुवेलले गोल गरिन् ।

खेलमा ७४ प्रतिशत बल पोसेसन राखेको स्वीट्जरल्यान्डले गोलको लागि भने पहिलो हाफको इन्ज्युरी समयमा पेनाल्टीकै साहरा लिनुपरेको थियो । बचमानले पेनाल्टीमा गोल गर्दै स्वीट्जरल्यान्डलाई १–० को अग्रता दिलाइन् । त्यसपछि ६४औं मिनेटमा सेरैना पियुवेलले गोल गर्दै स्वीट्जरल्यान्डको जित पक्का गरिन् ।

यस जितले स्वीट्जरल्यान्ड एक खेलबाट ३ अंक बटुलेर शीर्षस्थानमा रहेको छ । न्युजिल्यान्डको पनि ३ अंक नै रहेपनि गोल अन्तरमा पछि छ । नर्वे र फिलिपिन्स अंकविहीन छ ।

यस्तै समुह ‘बी’ को खेलमा नाइजेरिया र क्यानडाले गोल रहित बराबरी खेल्दै अंक बाँडेका छन् । मेलवर्न स्टेडियममा क्यानडाले बल पोसेसन राख्दै नाइजेरियामाथि दवाव बढाएपनि गोल गर्न नसक्दा जितबाट वञ्चित हुन पुग्यो ।

खेलको अन्तिम समयमा भने नाइजेरिया १० खेलाडीमा समेटिन पुगेको थियो । एस्ले लरेन्सलाई अनावश्यक च्यालेन्ज गरेपछि १९ वर्षीय डेवोरह एवायोडनलाई रेफ्रीले भिएआरको सहायतामा रातो कार्ड देखाउँदै मैदान बाहिर पठाउँदा नाइजेरियाले १० खेलाडीमा समेटिएर खेलको अन्त्य गरेको थियो ।

यस बराबरीले क्यानडा र नाइजेरियाले समान एक अंक बटलेका छन् । यो समूहमा आयोजक अष्ट्रेलिया ३ अंक जोडेर शीर्षस्थानमा रहँदा आइरल्यान्ड अंकविहीन हुँदै पुछारमा छ ।

विश्वकपमा शनिबार चार खेलमा प्रतिस्पर्धा हुँदैछ । समूह ‘सी’ मा जाम्विया र जापानले प्रतिस्पर्धा गर्नेछ । समूह ‘डी’ मा इंग्ल्यान्ड र हाइटी तथा डेनमार्क र चीन बीच प्रतिस्पर्धा हुँदा समूह ‘ई’ मा अमेरिका र भियतनामबीच खेल हुनेछ ।

न्युजिल्यान्ड र अष्ट्रेलियाको विभन्न ९ स्थानमा आगामी २० अगस्टसम्म चल्ने महिला विश्वकपमा ३२ टोलीको सहभागिता रहेको छ । सहभागी टोलीलाई ८ समूहमा विभाजन गरिएको छ । हरेक समूहका शीर्ष दुई टोली प्रि–क्वाटरफाइनलमा पुग्नेछ । फाइनल सिड्नीस्थित एकर स्टेडियम (स्टेडियम अष्ट्रेलिया) मा हुनेछ ।

July 16, 2024

पहिलो प्रि-सिजन खेलमा म्यानचेस्टर युनाइटेडको हार

एजेन्सी – २०२४/२४ फुटबल सिजन अघिको प्रि-सिजन अन्तर्गत पहिलो खेलमा इंग्लिश टोली म्यानचेस्टर युनाइटेड पराजित भएको छ । नर्वेमा भएको खेलमा म्यानचेस्टर युनाइटेड घरेलु टोली रोसेनबोर्ग विरुद्ध १-० ले पराजित भएको हो । सो गोल खेलको अन्तिम समयमा आएर थियो । नोआह होल्मले इन्ज्युरी समयको तेस्रो मिनेटमा गोल गर्दै रोसेनबोर्गलै जित दिलाए । युनाइटेडका लागि […]

July 15, 2024

रोड्रिगेज कोपा अमेरिकाको उत्कृष्ट खेलाडी

एजेन्सी – उपविजेता कोलम्बियाका कप्तान हामेस रोड्रिगेज कोपा अमेरिका २०२४ को उत्कृष्ट खेलाडी घोषित भएका छन् । अर्जेन्टिना विरुद्ध फाइनलमा १-० ले पराजित भएपनि उनले उत्कृष्ट खेलाडीको उपाधि हात पारेका हुन् । प्रतियोगिता अवधिभर उनले १ गोलका साथै ६ असिस्ट गर्न सफल रहे । फाइनलमा भने उनी अतिरिक्त समयको सुरुवात परिवर्तन भएका थिए । यस्तै […]

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

Success

Thank you for your time.