default_image

12 months ago

July 22, 2023

अन्यौलमा यू-१६ लिग

231 views

0 Bookmark

काठमाडौं (हाम्रो खेलकुद) – गत साता सुरु भएको एन्फा यू-१६ युथ लिग दोस्रो साता सुरु नहुँदै अन्यौलमा परेको छ । एन्फा प्रतियोगिता आयोजनामा गम्भीर नभएको भन्दै सहभागी क्लबले लिग नखेल्ने निर्णय गरेका छन् ।

पहिलो साताको खेलमा न्यु रोड टिम (एनआरटि) ले त्रिभुवन आर्मी क्लबलाई ५-१ को अन्तरले हराएको थियो । उक्त खेलमा एनआरटिका एक खेलाडी १६ वर्षभन्दा बढी रहेको भन्दै आर्मीले उजुरी दिएको थियो । एन्फाले छानविन गरेर उक्त खेलाडीको उमेर बढी भएको र त्यसअनुसार आर्मीलाई ३-० ले विजयी गराएको थियो ।

शनिबार विहान एनआरटिले विज्ञप्ति जारी गर्दै एन्फाले आफ्नो अपिलको सुनुवाई नगरेको भन्दै प्रतियोगिता नै नखेल्ने निर्णय लिएको छ । एन्फाले राम्रोसँग छानविन नगरेको र सहभागी खेलाडीलाई नै असर पर्ने निर्णय लिएको क्लबले जनाएको छ । एनआरटिले आज दिउँसो खुमलटारसँग खेल्ने तालिका रहेको थियो ।

यसबाहेक मनाङ मर्स्याङ्दी क्लबले पनि मच्छिन्द्रविरुद्ध हुने खेलमा उपस्थिति जनाएन । शनिबारको खेलका लागि मच्छिन्द्रका खेलाडी वार्मअप गरेपनि मनाङ भने मैदानमै पुगेको छैन । क्लब पदाधिकारीका अनुसार एन्फाले राखेको बैठकमा जिम्मेवार पदाधिकारी नै उपस्थित नभएपछि क्लबले लिगको खेल नखेल्ने निर्णय गरेको हो ।

नियमावली अनुसार नै खेलाडी दर्ता भएपनि हरेक खेलपछि उजुरी पर्ने हुँदा एन्फालाई क्लबले सबै खेलाडीको एमआरआइ गर्न आग्रह गरेको थियो । तर एन्फाले यसबारे गम्भीर चासो नलिएपछि क्लबहरु असन्तुष्ट बनेका थिए ।

स्रोतका अनुसार एनआरटि, मनाङ, संकटा, चर्च ब्वाइज, खुमलटार र फ्रेन्ड्सले एन्फासँग छलफल गरेर निर्णय लिएपछि मात्र सहभागिता जनाउने निर्णय गरेका छन् ।

सहभागी १० मध्य ६ क्लबले असन्तुष्टि जनाएसँगै लिग नै अन्यौल हुने देखिएको छ ।

July 12, 2024

वर्षाका कारण चितवन जिल्ला लिग स्थगित

सुशिल पन्त क्षेत्री, चितवन सेन्ट्रल कलेज चितवन जिल्ला ए डिभिजन लिग तत्कालका लागि स्थगित भएको छ । चितवन जिल्ला फुटबल संघले आज एक सुचना जारी गर्दै लिगका खेलहरु तत्कालका लागि स्थगित भएको जानकारी दिएको हो । अविरल वर्षाका कारण लिगका खेल सञ्चालित भरतपुर ७ कृष्णपुरको मैदान हिलाम्य भएकोले अर्को सूचना जारी नभएकोसम्मका लागि स्थगित गरिएको […]

July 12, 2024

रोहित एक सिजन इन्डोनेसियामै खेल्ने 

काठमाडौं (हाम्रो खेलकुद) – नेपाली राष्ट्रिय फुटबल टोलीका अनुभवी खेलाडी रोहित चन्द अझै एक सिजन इन्डोनेसियामा नै बस्ने भएका छन् । इन्डोनेसियन लिगा वान टोली पेर्सिक केदिरीसँग सम्झौता नवीकरण गरेसँगै रोहितले व्यवसायिक फुटबलको थप एक सिजन इन्डोनेसियाको शीर्ष डिभिजनमा नै बिताउने भएका हुन् । सन् २०१३ मा पहिलो पटक इन्डोनेसिया पुगेका रोहितले बीचमा मलेसियन लिग […]

July 11, 2024

अर्जेन्टिनाले कोपा अमेरिका उपाधिका लागि कोलम्बिया विरुद्ध भिड्ने

एजेन्सी – साविक विजेता अर्जेन्टिनाले कोपा अमेरिका उपाधि रक्षा गर्नका लागि फाइनलमा कोलम्बिया विरुद्ध खेल्ने भएको छ । बिहीबार बिहान भएको दोस्रो सेमिफाइनलमा कोलम्बियाले उरुग्वे माथि १-० को जित निकालेसँगै अर्जेन्टिनाको फाइनल प्रतिद्वन्दी टुंगो लागेको हो । कोलम्बियाका लागि ३९औं मिनेटमा जेफर्सन लर्माले प्रहार गरेको हेडर नै पर्याप्त बन्यो । पहिलो हाफको अन्त्यमा डेनियल मुनोजले […]

Success

Thank you for your time.