default_image

11 months ago

July 24, 2023

बोर्गेसको ह्याट्रिकमा ब्राजिलको फराकिलो जित

263 views

0 Bookmark

एडिलेड – मिडफिल्डर एरी बोर्गेसको ह्याट्रिकसँगै एक असिस्ट प्रदान गरेपछि ब्राजिलले फिफा महिला विश्वकप फुटबलमा सानदार जित निकालेको छ ।

ब्राजिलले पहिलाेपटक विश्वकप खेलिरहेकाे पानामामाथि ४–० को फराकिलो जित निकाल्दै विजयी सुरुवात गरेको हो । ब्राजिलको फराकिलो जितमा युवा मिडफिल्डर एरी बोर्गेसले ह्याट्रिक पूरा गर्दा बिआट्रिजले एक गोल थपिन् ।

हिन्दमार्स स्टेडियम एडिलेड अष्ट्रेलियामा सोमबार भएको खेलमा ब्राजिलले खेलको सुरुवातदेखि नै आक्रमक फुटबल खेल्दा १९औं मिनेटमा अग्रता लिन सफल भयो । एरी बोर्गेसले गोल गर्दै ब्राजिललाई १–० को अग्रता दिलाइन् । उनले डेविन्हाको पासमा गोल गर्न सफल भइन् ।

३९औं मिनेटमा बोर्गेसले गोल गर्दै ब्राजिललाई पहिलो हाफमा २–० को अग्रता दिलाइन् । ४८औं मिनेटमा बिआट्रिजले गोल गरेपछि ब्राजिल खेलमा ३–० ले अघि बढ्यो । उनले बोर्गेसको पासलाई सदुपयोग गरिन् ।

७०औं मिनेटमा बोर्गेसले ह्याट्रिक पुरा गरेपछि ब्राजिलले खेलमा ४–० को आरामदायी अग्रता लिन सफल भयो । बोर्गेसले जिसेको पासमा गोल गर्न सफल भइन् । जारी विश्वकपमा यो पहिलो ह्याट्रिक हो । त्यसपछि थप गोल निस्कन नसक्दा ब्राजिल विजयी हुन सफल भयो ।

यस जितसँगै ब्राजिल समूह ‘एफ’ मा ३ अंक जोडेर शीर्षस्थानमा उक्लिएको छ । पानामा अंकविहीन हुँदै पुछारमा छ । यो समूहमा फ्रान्स र जमैकाले समान १ अंक जोडेका छन् ।

विश्वकपमा मंगलबार सोमबार तीन खेलमा प्रतिस्पर्धा हुँदैछ । समूह ‘ए’ मा न्युजिल्यान्ड र फिलिपिन्स तथा स्वीट्जरल्यान्ड र नर्वेबीच प्रतिस्पर्धा हुनेछ । यस्तै समूह ‘एच’ मा कोलम्विया र दक्षिण कोरियाबीच प्रतिस्पर्धा हुनेछ ।

न्युजिल्यान्ड र अष्ट्रेलियाको विभन्न ९ स्थानमा आगामी २० अगस्टसम्म चल्ने महिला विश्वकपमा ३२ टोलीको सहभागिता रहेको छ । सहभागी टोलीलाई ८ समूहमा विभाजन गरिएको छ । हरेक समूहका शीर्ष दुई टोली प्रि–क्वाटरफाइनलमा पुग्नेछ । फाइनल सिड्नीस्थित एकर स्टेडियम (स्टेडियम अष्ट्रेलिया) मा हुनेछ ।

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

June 14, 2024

एपिएफले एएफसी महिला च्याम्पियन्स लिग खेल्ने

काठमाडौं (हाम्रो खेलकुद) – विभागीय नेपाल एपिएफ क्लबले अगस्टमा हुने एएफसी महिला च्याम्पियन्स लिगमा सहभागिता जनाउने भएको छ । राष्ट्रिय महिला लिग २०२२ च्याम्पियन्स एपिएफले एएफसी महिला च्याम्पियन्स लिगको प्रारम्भिक चरणका लागि नेपालको प्रतिनिधित्व गर्न लागेको हो । एएफसी महिला च्याम्पियन्स लिगमा एपिएफसहित २२ टोलीले खेल्ने एसियन फुटबल महासंघ (एएफसी) ले जनाएको छ । एएफसीका […]

June 14, 2024

युरो कपको उद्घाटनमा जर्मनी र स्कटल्याण्ड भिड्दै, डिस होमले प्रत्यक्ष प्रसारण गर्ने

एजेन्सी – युइएफए युरो २०२४ आजदेखि जर्मनीमा सुरु हुँदैछ । आयोजक र तीन पटकको च्याम्पियन जर्मनीले शुक्रबार म्युनिखमा हुने उद्घाटन खेलमा स्कटल्याण्डको सामना गर्दैछ । म्युनिख फुटबल एरिनामा समूह ए अन्तर्गतको सो खेल शनिबार नेपाली समय अनुसार दिउँसो १२:४५ बजे सुरु हुनेछ । २४ शीर्ष युरोपियन टोलीहरू छ समूहमा विभाजित रहेका छन् । फाइनल जुलाई […]

Success

Thank you for your time.