default_image

12 months ago

July 26, 2023

स्पेन विश्वकपको प्रि–क्वाटरफाइनलमा

288 views

0 Bookmark

अकल्यान्ड – उपाधिको दावेदार टोलीको रुपमा हेरिएको स्पेन एक खेल बाँकी छँदै फिफा महिला विश्वकप फुटबलको प्रि–क्वाटरफाइनलमा प्रवेश गरेको छ ।

समूह चरणको दोस्रो खेलमा जाम्वियामाथि ५–० को फराकिलो जित निकाल्दै स्पेनले एक खेल बाँकी छँदै अन्तिम १६ मा स्थान पक्का गरेको हो ।

स्पेनको जितले एसियाली राष्ट्र जापान पनि एक खेल अगावै प्रि–क्वाटरफाइनलमा प्रवेश गरेको छ । यो समूहबाट जाम्विया र कोस्टा रिका समूह चरणबाटै बाहिरिएको छ ।

न्युजिल्यान्डको अकल्यान्डस्थित इडेन पार्कमा बुधबार गोलको वर्षा भएको खेलमा स्पेनको फराकिलो जितम जेनीफर हर्माेसो र अल्वा रेडोन्डोले समान दुई गाृल गरिन् । एक गोल टेरेसाको नाममा रह्यो ।

गोलको वर्षा भएको खेलको नवौं मिनेटमा टेरेसाकै गोलबाट स्पेनले अग्रता लिन सफल भएको थियो । उनले जेनिफर हर्माेसोको पासमा गोल गर्न सफल भएकी थिइन् । १३औं मिनेटमा जेनिफर हर्माेसोले गोल गर्दै स्पेनलाई पहिलो हाफमा २–० को अग्रता दिलाइन् ।

दोस्रो हाफमा स्पेनले थप आक्रमक खेल्दै तीन गोल थपेर फराकिलो जित निकाल्न सफल भयो । ६९औं मिनेटमा अल्वा रेडोन्डोले गोल गर्दै स्पेनलाई ३–० को अग्रता दिलाइन् । उनले इभा मारिया नाभारोको पासलाई सदुपयोग गरिन् ।

स्पेन यतिमै रोकिएन । ७४औं मिनेटमा जेनिफर हर्माेसोले व्यक्तिगत दोस्रो तथा टोलीका लागि चौथो गोल गर्दै स्पेनलाई सहज जिततर्फ अग्रसर गराइन् । ८६औं मिनेटमा अल्वा रेडोन्डोले व्यक्तिगत दोस्रो तथा टोलीका लागि पाँचौ गोल गर्दे स्पेनलाई ५–० को फराकिलो जित दिलाइन् ।

यस जितले स्पेन दुई खेलबाट ६ अंक जोडेर समुह ‘सी’ मा शीर्षस्थानमा उक्लिएको छ । समान ६ अंक नै रहेपनि जापान गोल अन्तरमा दोस्रो स्थानमा छ । यो समुहमा जाम्विया र कोस्टा रिकाले अंकको खाता खोल्न सकेको छैन ।

अब जापान र स्पेनबीचको खेलले समुह विजेताको टुंगो लाग्नेछ । यि दुई टोलीबीचको खेल ३१ जुलाईमा हुनेछ । सोही दिन कोस्टा रिका र जाम्वियाबीच प्रतिस्पर्धा हुनेछ । यि दुई टोली आफ्नो अन्तिम खेलमा जित निकाल्दै विश्वकपलाई सुखद् बिदाई गर्न चहान्छ ।

यही समुहको अर्काे खेलमा जापानले कोस्टा रिकालाई २–० ले पराजित गर्दै समुहमा लगातार दोस्रो जित निकालेको छ । जापानको जितमा हिकारु नाओमोटो र एओवा फुजिनोले गोल गरिन् ।

July 24, 2024

सेल्टिकले म्यानचेस्टर सिटीलाई हरायो

एजेन्सी – प्रि-सिजन खेलहरुका लागि अमेरिका पुगेको इंग्लिश क्लब म्यानचेस्टर सिटी स्कटिस क्लब सेल्टिकसँग पराजित भएको छ । च्यपेल हिल शहरमा भएको खेलमा म्यानचेस्टर सिटी ४-३ ले पराजित भएको हो । सेल्टिकले पहिलो हाफमा नै ३-१ को अग्रता लिएको थियो । निकोलस-गेरिट कुह्नले १३औं मिनेटमा सेल्टिकलाई अग्रता दिलाएका थिए । ३३औं मिनेटमा सिटीका ओस्कार बबले […]

July 24, 2024

नेपालमा संचालित ‘रोड टु टोटेनहम’ अवैध

सुबास हुमागाईं, काठमाडौं भारतीय क्लब किकस्टार्ट फुटबल क्लबले स्थानीय क्लब र संस्थासँग मिलेर इंग्लिस प्रिमियर लिगको क्लब टोटेनहम हट्सपर सम्म पुर्याउने भन्दै नेपालमा आयोजना गरेको ‘रोड टु टोटेनहम’ कार्यक्रम अवैध भएको पाइएको छ । किकस्टार्टले नेपालको बी डिभिजन क्लब श्री भगवती क्लब टोखा र भकुन्डो एनपी नामक संस्थासँग मिलेर ‘रोड टु टोटेनहम’ नामक कार्यक्रम दुई […]

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

Success

Thank you for your time.