10 months ago
July 29, 2023
वेलिङ्टन – इटालीमाथि सानदार जित निकाल्दै स्वीडेन एक खेल बाँकी छँदै फिफा महिला विश्वकप फुटबलको नकआउट चरणमा प्रवेश गर्न सफल भएको छ ।
स्वीडेनले इटालीमाथि ५–० को सानदार जित निकाल्दै एक खेल बाँकी छँदै अन्तिम १६ मा पुग्न सफल भएको हो । यससँगै स्वीडेन नकआउट चरणमा पुग्ने तेस्रो टोली बनेको छ । यसअघि स्पेन र जापान नकआउट चरणमा पुगिसकेको छ ।
वेलिङ्टन रिजनल स्टेडियम न्युजिल्यान्डमा शनिबार भएको खेलमा स्वीडेनको सानदार जितमा अमेन्डा आइलेस्टेडले दुई तथा फ्रिडोलिना रोल्फो, स्टिना ब्ल्याकस्टेनिअस र रेविका ब्लोमभिस्टले समान एक गोल गरिन् । स्वीडेनले पहिलो हाफमा तीन तथा दोस्रो हाफमा दुई गोल थपेको थियो ।
गोलको वर्षा भएको खेलमा स्वीडेनले पहिलो हाफको अन्त्यतिर ८ मिनेटको अन्तरमा तीन गोल थप्दै आरामदायी अग्रता लिन सफल भएको थियो । ३९औं मिनेटमा एमान्डाले गोल गर्दै स्वीडेनलाई १–० को अग्रता दिलाइन् । उनले जोना एन्डरसनको पासमा गोल गर्न सफल भइन् ।
४४औं मिनेटमा फ्रिडोलिना रोल्फोले गोल गर्दै स्वीडेनको अग्रता दोब्बर पारिन् । पहिलो हाफको इन्ज्युरी समयको थप गरिएको पहिलो मिनेटमा स्टिनाले गोल थपेपछि स्वीडेन ३–० को बलियो स्थितिमा पुग्यो ।
५०औं मिनेटमा एमान्डाले जोनाकै पासमा व्यक्तिगत दोस्रो तथा टोलीका लागि चौथो गोल गरेपछि स्वीडेन सहज जिततर्फ अग्रसर बन्यो ।
चार गोलले पछि परेको इटालीले बल पोसेसन राख्दै स्वीडेनलाई दवाव बढाएपनि खेलको अन्त्यतिर अर्काे गोल खाँदै फराकिलो हार बेहोर्न पुग्यो । इन्ज्युरी समयको थप गरिएको पाँचौ मिनेटमा रेविका ब्लोमभिस्टले गोल गर्दै स्वीडेनलाई सानदार जित दिलाइन् ।
यस जितसँगै नकआउट चरणमा पुगेको स्वीडेनको समूह ‘जी’ मा दुई खेलबाट ६ अंक पुगेको छ । समान खेलबाटै इटाली ३ अंक जोडेर दोस्रो स्थानमा छ । अर्जेन्टिना र दक्षिण अफ्रिकाको समान १ अंक छ ।
अब समूह चरणको अन्तिम खेलमा स्वीडेनले अर्जेन्टिनासँग तथा इटालीले दक्षिण अफ्रिकासँग खेल्नेछ । स्वीडेनलाई हार र बराबरीले कुनै फरक पर्नेछैन । इटालीलाई नकआउट चरण पुग्न दक्षिण अफ्रिकासँग बराबरी या अर्काे खेलमा अर्जेन्टिना रोकिनुपर्ने हुन्छ ।
May 12, 2024
एजेन्सी – अल हिलालले साउदी प्रो लिग सिजन २०२३/२४ को उपाधि जित्ने पक्का भएको छ । अल हाजेम विरुद्ध शनिबार भएको खेलमा ४-१ को जित संगै अल हिलालको लिग उपाधि पक्का भएको हो । अल हिलालको जितमा अलेकसान्दर मिट्रोभिचले दुई गोल गरे । यस्तै सर्गेज मिलिन्कोभिच-स्याभिचले एक गोल गरे भने एक गोल अहमद अल जुवाइदको […]
May 12, 2024
एजेन्सी – लियोनल मेस्सीको कप्तानीमा रहेको इन्टर मियामीले मेजर लिग सकरमा आइतबार पुनरागमन जित निकालेको छ । २-० ले पछि परेको खेलमा मियामीले मोन्ट्रियललाई ३-२ ले हराएको हो। मियामीका लागि माटियास रोजास, लुइस सुआरेज र बेन्जामिन क्रेमास्चीले समान १ गोल गरे । मोन्ट्रियलका ब्राइस ड्युक र जुल्स एन्थोनी भिल्सेन्टले गोल गरे। ड्युकले २२ औं र […]
May 12, 2024
एजेन्सी – इंग्लिश प्रिमियर लिग अन्तर्गत शनिबार सम्पन्न खेलमा चेल्सीले पुनरागमन जित दर्ता गरेको छ । चेल्सीले नटिङ्घम फरेस्ट विरुद्ध ३-२ को जित दर्ता गरेको हो । आठौ मिनेटमा मुखाएलो मुड्रीकको गोल बाट अग्रता लिएको चेल्सी दुई गोलले पछि परेको थियो । १६औं मिनेटमा डिफेन्डर विली बोलीले फरेस्टका लागि खेलमा बराबरी गरेका थिए भने ७४औं […]