default_image

11 months ago

July 30, 2023

जर्मनीमाथि कोलम्वियाको रोमाञ्चक जित

198 views

0 Bookmark

सिड्नी – कोलम्वियाले फिफा महिला विश्वकपमा उपाधि दावेदार जर्मनीमाथि रोमाञ्चक जित निकालेको छ । कोलम्वियाले जर्मनीमासथ २–१ को रोमाञ्चक जित दर्ता गरेको हो ।

कोलम्वियाको जितमा लिन्डा काइसेडो र म्यानुएला भानेगासले गोल गरिन् । जर्मनीकी एलेसान्द्रा पोपको गोल सान्त्वना बन्यो ।सिड्नी फुटबल स्टेडियम अष्ट्रेलियामा आइतबार प्रतिस्पर्धात्मक बनेको खेलको पहिलो हाफ गोलरहित बराबरीमा सकिदा सबै तीन गोल दोस्रो हाफमा भएको थियो ।

५२औं मिनेटमा १८ वर्षीय लिन्डा काइसेडोले गोल गर्दै कोलम्वियालाई १–० को अग्रता दिलाइन् । ८९औं मिनेटमा एलेसान्द्रा पोपले पेनाल्टीमा गोल गर्दै खेललाई १–१ गोलको बराबरीमा ल्याइन् ।

पेनाल्टी बक्समा ओवेरडर्फलाई गोलरक्षक क्याटालिना पेरेजले फउल गरेपछि रेफ्रीले जर्मनीलाई पेनाल्टी प्रदान गर्दा एलेसान्द्रा पोप चुकिनन् ।

बराबरीतर्फ धकेलिएको खेलको इन्ज्युरी समयको थप गरिएको सातौं मिनेटमा म्यानुएला भेनेगासले गोल गर्दै कोलम्वियालाई रोमाञ्चक जित दिलाइन् । उनले लेसी सान्तोषको पासमा गोल गर्न सफल भइन् ।

यस जितसँगै कोलम्विया समूह ‘एच’ मा दुई खेलबाट ६ अंक जोडेर शीर्षस्थानमा रहेको छ । पराजित जर्मनी ३ अंक जोडेर दोस्रो स्थानमा छ । मोरोक्कोको पनि ३ अंक रहेपनि गोल अन्तरमा पछि छ । दक्षिण कोरिया अंकविहीन हुँदै पुछारमा छ ।

यही समूहको अर्काे खेलमा मोरोक्कोले दक्षिण कोरियालाई १–० ले पराजित गर्दै समूह चरण पार गर्ने सम्भावना जीवितै राखेको छ ।

हिन्दमार्स स्टेडियम अष्ट्रेलियामा भएको खेलमा मोरोक्कोको जितमा इब्टिस्साम जेराइडीले छैटौं मिनेटमा गरेको गोल नै निर्णायक बन्यो ।

लगातार दोस्रो हारसँगै दक्षिण कोरिया समूह चरणबाटै बाहिरिएको छ । अब समूह चरणको अन्तिम खेलमा दक्षिण कोरिया र जर्मनी तथा कोलम्विया र मोरोक्कोबीच खेल हुनेछ ।

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

Success

Thank you for your time.