default_image

11 months ago

August 2, 2023

फ्रान्स बन्यो समूह विजेता

219 views

0 Bookmark

सिड्नी – गोलको वर्षा भएको खेलमा पानामामाथि रोमाञ्चक पूनरागमन जित निकाल्दै फ्रान्स समूह विजेताको रुपमा फिफा महिला विश्वकप फुटबलको प्रि–क्वाटरफाइनलमा प्रवेश गर्न सफल भएको छ ।

पानामामाथि ६–३ को रोमाञ्चक जित निकाल्दै फ्रान्स समूह ‘एफ’ को विजेता बनेको हो । फ्रान्सको जितमा काडिडियाटोउ डिएनीले ह्याट्रिक पूरा गर्दा माइल लाकरर, लिया लि गारेस र भिकी बेचोले समान एक गोल गरिन् । पानामाकी मार्टा कक्स, योमिरा पिन्जन र लिनेथ सेडेनोले गोल फर्काइन् ।

सिड्नी फुटबल स्टेडियम सिड्नी अष्ट्रेलियामा बुधबार गोलको वर्षा भएको खेलमा सुरुवाती अग्रता पानामाले लिएपनि त्यसलाई जोगाउन सकेन । खेलको दोस्रो मिनेटमा नै मार्टा कक्सले फ्रिकिकमा दर्शनीय गोल गर्दै पानामालाई सुरुवाती अग्रता दिलाइन् ।

एक गोलले पछि परेको फ्रान्सले २१औं मिनेटमा बराबरी गोल फर्काउन सफल भयो । माइल लाकररले क्लारा माटियोको पासमा गोल गर्न सफल भइन् । २८औं मिनेटमा काडिडियाटोउ डिएनीले गोल गर्दै फ्रान्सलाई २–१ को अग्रता दिलाइन् ।

३७औं मिनेटमा काडिडियाटोउ डिएनीले व्यक्तिगत दोस्रो तथा टोलीका लागि तेस्रो गोल गर्दै फ्रान्सलाई फराकिलो अग्रतातर्फ अग्रसर गराइन् । पहिलो हाफको इन्ज्युरी समयको थप गरिएको पाँचौं मिनेटमा लिया लि गारेसले गाल गरेपछि फ्रान्स पहिलो हाफमा ४–१ ले अघि बढ्यो ।

५२औं मिनेटमा काडिडियाटोउ डिएनीले ह्याट्रिक पूरा गर्दा फ्रान्सले खेलमा ५–१ को आरामदायी अग्रता लिन सफल भयो । उनी जारी विश्वकपमा ह्याट्रिक प्रहार गर्ने तेस्रो खेलाडी बनेकी छिन् । यसअघि ब्राजिलकी एरी बोर्गेस र नर्वेकी रोमन हउगले ह्याट्रिक पूरा गरेकी थिइन् ।

त्यसपछि पानामाले दुई गोल थपेपनि जितको लागि पर्याप्त भएन । ६४औं मिनेटमा योमिरा पिनजोनले गोल गर्दे खेललाई ५–२ को स्थितिमा ल्याइन् ।

८७औं मिनेटमा लिनेथ सेडेनोले गोल गर्दै खेललाई ५–३ को स्थितिमा ल्याउँदै खेलमा फर्काउने संकेत दिएपनि इन्ज्युरी समयको थप गरिएको १०औं मिनेटमा भिकी बेचोले गोल गर्दे फ्रान्सलाई ६–३ को सानदार पूनरागमन जित दिलाइन् ।

यस जितले अपराजित रहेको फ्रान्सले समूह ‘एफ’ मा ३ खेलबाट ७ अंक जोडेर शीर्षस्थानमा रह्यो । पराजित पानामा अंकविहीन बन्यो । जमैकाले ५ तथा ब्राजिलले ४ अंक जोड्यो ।

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

Success

Thank you for your time.