एजेन्सी – इटालीका पूर्व गोलरक्षक तथा विश्वकप विजेता जियानलुइगी बुफोनले ४५ वर्षको उमेरमा फुटबलबाट सन्यास लिएका छन् ।

उनले सामाजिक सञ्जालमार्फत सन्यासको घोषणा गरेका हुन् । उनले सामाजिक सन्जालमा लेखेका छन्, ‘यो सबै मानिसहरू हो । तपाईंले मलाई सबै दिनुभयो । मैले तपाईंलाई सबै दिए । हामीले यो सँगै ग¥यौं ।’

बुफोनले २८ वर्षको व्यवसायिक खेल करिअर अन्य गरेका हुन् । उनले यो २८ वर्षको अवधिमा २००६ देखि युभेन्ट्सबाट १० सिरी ‘ए’ र पेरिस सेन्ट–जर्मेनबाट एक लिग वान उपाधि जितेका छन् ।

बुफोनले सन् १९९५ मा पर्माबाट व्यसायिक खेल करिअर सुरु गरेका थिए । पर्मा अहिले सिरी ‘बी’ मा छ । पर्मासँग २०२४ सम्म सम्झौता गरेका बुफोनले चोटसँग संघर्ष गर्दा गत सिजन १९ पटक मात्रै खेले ।

पर्माको एकेडेमीबाट आफ्नो करियर सुरु गरेका उनले सन् १९९५ को नोभेम्बरमा सिरी ‘ए’ मा डेब्यु गरे । उनी २००१ मा त्यसबेला गोलरक्षकको कीर्तिमानी ३२.२ मिलियनमा युभेन्ट्समा आबद्ध भएका थिए । सन् २०१८–१९ मा पिएसजीमा पुगेका उनले अधिकांश समय टुरिनमै बिताए ।

उनले युभेन्ट्सका लागि ६५७ र इटालीका लागि १७६ क्याप जितेका छन् । यो गोलरक्षकको लागि सबै समयको धेरै क्याप हो । सन् २०१८ को विश्वकपमा छनोट हुन नसकेपछि बुफोनले त्यसबेला नै अन्तर्राष्ट्रिय खेल जीवनबाट सन्यास लिएका थिए ।

सन् २००६ मा बर्लिनमा भएको विश्वकपमा फ्रान्सलाई टाइब्रेकरमा हराएर इटालीले उपाधि जित्दा उनी टोलीका सदस्य थिए । निर्धारित समयमा १–१ को बराबरीपछि टाइब्रेकरमा इटोलीले ५–३ ले बाजी मारेको थियो । बुफोनले व्यवसायिक खेल करिअरबाट सन्यास लिएसँगै विश्वभरका फुटबलप्रेमीले उनलाई सम्मान प्रदान गरिरहेका छन् ।

‘हाम्रो नम्बर एकलाई धन्यवाद । ग्रेजी, गिगी ! इटालियन राष्ट्रिय टोलीले ट्वीट गरेका छन् । सिरी ‘ए’ ले त्यहाँ फुटबल इतिहास छ । त्यहाँ गिगी बुफोन पनि छ । एक परी कथा करिअर जुन एक ठाउँमा सुरु भयो र समाप्त भयो ।’ पीएसजीका पूर्व टोली साथी २४ वर्षीय केलियन एमबाप्पेले ट्वीट गर्दै भनेका छन्, ‘तपाईंसँग काँध मिलाएर तपाईंको महान करियरमा तपाईंसँगै बाटो काट्ने मौका पाउनु मेरो लागि ठूलो सम्मानको कुरा हो ।’

‘एउटा पौराणिक व्यक्तिले आज सन्यास लिएका छन् । तपाईंको बचन, तपाईंको मुस्कान, र तपाईंको चरित्र सधैंभरि सम्झना हुनेछ ।’ युभेन्टसले ट्वीट ग¥यो, ‘तपाईं हाम्रो जर्सी सबैभन्दा लामो लगाउने र सबैभन्दा धेरै ट्रफी जित्ने खेलाडी हुनुहुन्छ । तपाईं सबै समयको उपस्थिति चार्टमा दोस्रो स्थानमा हुनुहुन्छ र निस्सन्देह, उनको नाममा सबैभन्दा क्लिन पानाहरू सहित सट–स्टपर हुनुहुन्छ । तपाईं हुनुहुन्थ्यो। हाम्रो कप्तान र हाम्रो चट्टान। तपाईं केवल गिगी हुनुहुन्थ्यो ।’ पर्माका अध्यक्ष काइल क्राउजले गीगी आफ्नो समयमा उत्कृष्ट रहेका बखान गरेका छन् ।