12 months ago
August 3, 2023
एजेन्सी – इंग्लिस क्लब आर्सनलका ब्राजिलियन फरवार्ड ग्याब्रिएल जेससले चोटका कारण शल्यक्रिया गरेपछि सिजनको सुरुवात गुमाउने भएका छन् ।
प्रशिक्षक मिकेल आर्टेटाका अनुसार जेसस केही साताका लागि मैदानबाहिर रहने पक्का भएको हो । गत सिजन नै देखिएको घुँडाको समस्यालाई समाधान गर्न उनको शल्यक्रिया गरिएको हो । सिजन सुरु हुन एक साता बाँकी रहँदा जेससको चोटले आर्सनललाई धक्का पुगेको छ ।
आर्सनलले सिजनको सुरुवातमा म्यानचेस्टर सिटीविरुद्ध कम्युनिटी सिल्डका लागि प्रतिस्पर्धा गर्नेछ । त्यसपछि लिगको पहिलो खेलमा आर्सनलले नटिङघम फरेस्टको सामना गर्नेछ ।
प्रशिक्षक आर्टेटाले लयमा फर्किएका जेससको कमीले टोलीलाई असर पर्ने बताए । ‘हाम्रो लागि ठूलो धक्का हो । उनी उच्च लयमा खेलिरहेका थिए । तर उनको सामान्य शल्यक्रिया गर्नुपर्यो,’ उनले भने ।
‘जेससको घुँडामा समस्या आएपछि हामीलाई समाधान चाहिएको थियो । ठूलो शल्यक्रिया त होइन तर केही साता बाहिर रहनेछन् । अब उनलाई चाडो भन्दा चाडो टिममा फर्काउन प्रयास हुनेछ ।’
आर्सनलले प्रि सिजनमा म्यानचेस्टर युनाइटेडसँग हार बेहोरेपनि बार्सिलोनालाई पराजित गरेको थियो । अन्तिम खेलमा मोनाकोसँग १-१ को बराबरीपछि सडन डेथमा आर्सनल विजयी भएको थियो ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]