9 months ago
August 3, 2023
एजेन्सी – ब्राजिलियन फरवार्ड नेयमारले उच्च प्रदर्शन गर्दा फ्रान्सेली क्लब पेरिस सेन्ट जर्मेन (पिएसजी) ले प्रि सिजनको मैत्रीपूर्ण खेलमा जिओनबुक एफसीलाई पराजित गरेको छ ।
दक्षिण कोरियाको बुसान रंगशालामा नेयमारले २ गोल र १ असिस्ट प्रदान गर्दा पिएसजीले ३-० को जित निकाल्यो । एसिया भ्रमणमा टोलीको यो पहिलो जित समेत हो । यसअघि टोलीले लगातार तीन खेलमा जित निकाल्न सकेको थिएन ।
सुरुवाती रोजाइबाट नै खेलेका नेयमारले ४० औं मिनेटमा पिएसजीलाई अग्रता दिलाए । उनले पेनाल्टी क्षेत्रको ठिक भित्रबाट गरेको प्रहारमा गोलरक्षक झुक्किन पुगेका थिए ।
त्यसपछि ८३ औं मिनेटमा उनले अग्रता दोब्बर पारे । वन भर्सेस वनको स्थितिमा नेयमारले सहजै गोल गर्दै पिएसजीलाई जिततर्फ बढाएका थिए ।
निर्धारित समयको २ मिनेट बाँकी रहँदा पिएसजीले अर्को गोल थप्यो । नेयमारको ब्याकहिल पासमा मार्को एसेन्सियोले पेनाल्टी क्षेत्र बाहिरबाट सुन्दर गोल गरेका थिए । नेयमारले खेलको पूरा समय मैदानमा बिताएका थिए ।
स्टार फरवार्ड एमबाप्पे बिना नै एसिया भ्रमणमा आएको पिएसजीले यसअघि जितका लागि संघर्ष गरेको थियो । इन्टरसँग २-१ ले पराजित टोली सेरेजो ओसाकासँग ३-२ ले हारेको थियो । अल नासरसँग भने खेल गोलरहित बराबरीमा सकिएको थियो ।
अब पिएसजीले लिग वनको पहिलो खेलमा अगस्ट १३ तारिखमा लोरीएन्टको सामना गर्नेछ ।
May 9, 2024
काठमाडौं (हाम्रो खेलकुद) – एन्फा कम्प्लेक्स, सातदोबाटोमा जारी सहिद स्मारक सो डिभिजन लिगमा बिहीबार सम्पन्न खेलमा समाज कल्याण खेलकुद सेन्टर विजयी भएको छ । समाज कल्याणले गोलबजार स्पोर्ट्स क्लब माथि २-१ को जित दर्ता गरेको हो । समाज कल्याणको जितमा रोशन छेत्रीले दुई गोल गरे । गोलबजारका लागि ओम प्रकाश सिंहले एक गोल गरेका थिए […]
May 9, 2024
एजेन्सी – खेलको अन्तिम समयमा उत्कृष्ट पुनरागमन गर्दै रियल म्याड्रिड युरोपेली च्याम्पियन्स लिगको फाइनलमा प्रवेश गरेको छ । बायर्न म्युनिखविरुद्ध घरेलु मैदानमा भएको सेमिफाइनलको दोस्रो लेगमा बुधबार २-१ र समग्रमा ४-३ को जित निकाल्दै रियल फाइनलमा पुगेको हो । एक गोलले पछि परेको अवस्थामा ८१औं मिनेटमा मैदान प्रवेश गरेका जोसेलुले केही मिनेटको अन्तरालमा २ गोल […]
May 8, 2024
काठमाडौं (हाम्रो खेलकुद) – सहिद स्मारक सि डिभिजनको सातौं चरणको पहिलो खेलमा जित दर्ता गर्दै आरसी ३२ फुटबल एकेडेमी तालिकाको शीर्ष स्थानमा उक्लिएको छ । बुधवार एन्फा कम्प्लेक्समा भएको खेलमा आरसी ३२ ले स्पोर्ट्स एकेडेमी साँगालाई २-० ले पराजित गरेको हो । आरसी ३२ को जितमा सुजन बलम्पाकी मगर र सञ्जय सुब्बाले समान १-१ गोल […]