default_image

11 months ago

August 3, 2023

जर्मनी विश्वकपबाट बाहिरियो

777 views

0 Bookmark

ब्रिसवन – उपाधि दावेदार तथा दुई पल्टकाे च्याम्पियन जर्मनी फिफा महिला विश्वकप फुटबलको समूह चरणबाटै बाहिरिएको छ ।

समूह चरणको अन्तिम खेलमा दक्षिण कोरियासँग बराबरीमा रोकिएपछि तथा अर्काे खेलमा कोलम्वियाले हार बेहोरेपछि जर्मनी समूह चरणबाटै बाहिरिएको हो ।

दुई पल्टको च्याम्पियन जर्मनी फिफा महिला विश्वकपको इतिहासमा पहिलोपटक समूह चरणबाटै बाहिरिएको हो । यसअघिको सबै आठ संस्करणमा जर्मनीले नकआउट चरणको यात्रा तय गरेको थियो ।

एक गोलले पछि परेको जर्मनीले दक्षिण कोरियासँग १–१ गोलको बराबरी खेलेको हो । दक्षिण कोरियाकी सो ह्युन चोले गोल गर्दा जर्मनीकी एलेसान्द्रा पोपले बराबरी गोल फर्काइन् ।

ब्रिसवन स्टेडियम ब्रिसवन अष्ट्रेलियामा बिहीबार भएको खेलको सुरुमै जर्मनी खेलमा पछि पर्यो । छैटौं मिनेटमा सो ह्युन चोले गोल गर्दै दक्षिण कोरियालाई १–० को अग्रता दिलाइन् । उनले योङ जु लीको पासमा गोल गर्न सफल भएकी थिइन् ।

सम्हालिन नपाउँदै गोल खाएको जर्मनीले त्यसपछि बल पोसेसन राख्दै लगातार दवाव सिर्जना गर्दा ४२औं मिनेटमा बराबरी गोल फर्काउन सफल भयो । एलेसान्द्रा पोपले एसभेन्जा हुथको पासमा गोल गर्दै खेललाई १–१ गोलको बराबरीमा ल्याइन् ।

दोस्रो हाफमा पनि जर्मनीले लगातार दवाव बढाएपनि दक्षिण कोरियाको बलियो रक्षापङ्ति तोड्न नसक्दा खेल बराबरीमा सकियो ।

यस बराबरीसँगै जर्मनी समूह ‘एच’ मा तीन खेलबाट ४ अंक जोडेर तेस्रो स्थानमा रह्यो । जर्मनीलाई रोकेको दक्षिण कोरियाले १ अंक बटुल्यो ।

यो समूहबाट कोलम्विया समूह विजेता र मोरोक्को उपविजेता बनेर प्रि–क्वाटरफाइनलमा प्रवेश गरेको छ । दुवै टोलीले समान ६ अंक बटुलेपनि गोल अन्तरमा कोलम्विया शीर्षस्थानमा रह्यो ।

June 25, 2024

नाचो र जोसेलुले रियल म्याड्रिड छाड्ने

एजेन्सी – स्पेनिस क्लब रियल म्याड्रिडका कप्तान तथा डिफेन्डर नाचो फर्नान्डेस र फरवार्ड जोसेलु माटाले यो सिजनको अन्त्यसँगै क्लब छाड्ने भएका छन् । सान्टियागो बर्नाबेउमा सम्झौताको अवधि सकिएसँगै युरो २०२४ मा स्पेनको प्रतिनिधित्व गरिरहेका नाँचोले नयाँ चुनौती पछ्याउने निर्णय गरेका छन् । उनी साउदी प्रो लिग क्लब अल कादासियामा सामेल हुने सम्भावना रहेको छ । […]

June 25, 2024

ब्राजिल र कोस्टारिकाको बराबरी

एजेन्सी – उपाधि दावेदार ब्राजिलले कोपा अमेरिका २०२४ अन्तर्गत आफ्नो पहिलो खेलमा कोस्टारिकासँग बराबरी खेलेको छ । अमेरिकाको लस एन्जेलसस्थित सोफाइ रंगशालामा सम्पन्न खेल गोलरहित बराबरीमा टुंगिदा दुवै टोलीले १-१ अंक हात पारे । ब्राजिलले खेलमा एकपक्षीय आक्रमण गरेपनि आवश्यक गोल भने गर्न सकेन । ब्राजिलले पहिलो हाफमा मार्किन्हसको प्रयासमा बललाई पोस्टभित्र पठाएपनि रेफ्रीले भीएआरको […]

June 25, 2024

इटाली नाटकीय ढंगले युरो कपको अन्तिम १६मा

एजेन्सी – अन्तिम मिनेटमा बराबरी गोल गर्दै साविक विजेता इटाली युरो कप २०२४ को अन्तिम १६ मा प्रवेश गरेको छ । इन्ज्युरी समयको अन्तिम समयमा एक गोलले पछि परेको अवस्थामा गोल गरेर क्रोएसिया विरुद्ध १-१ को बराबरी खेल्दै इटाली नकआउट चरणमा पुगेको हो । ५५औं मिनेटमा लुका मोड्रिचको गोलमा क्रोएसियाले अग्रता लिएको थियो । त्यसअघि […]

Success

Thank you for your time.