लन्डन (एजेन्सी) – चेल्सीका प्रशिक्षक एन्टोनियो कोन्टेले लगातार तेस्रो महिना महिनाको उत्कृष्ट प्रतिशक्षकको उपाधि जित्दै प्रिमियर लिगमा नयाँ कीर्तिमान बनाएका छन् ।

प्रिमियर लिगमा चेल्सी प्रशिक्षक कोन्टेको कीर्तिमान प्रिमियर लिगमा अहिले सम्म कुनै पनि प्रशिक्षकले लगातार तीन महिना उत्कृष्ट चुनिएका थिएनन् । दुई दशक भन्दा लामो समय म्यानचेस्टर युनाइटेडलाई प्रशिक्षण दिएका एलेक्स फर्गुसनलगायत दस प्रशिक्षकले लगातार दुई महिना उत्कृष्ट प्रशिक्षकको उपाधि जितेका थिए ।

यसै सिजन चेल्सी पुगेका कोन्टेले सबैलाई पछि पारेका छन् । कोन्टेले अक्टोबर, नोभेम्बर र डिसेम्बर महिनाको उत्कृष्ट प्रशिक्षकको उपाधि जितेका हुन् । उनको नेतृत्वमा चेल्सी प्रिमियर लिगको शीर्षस्थानमा रहेको छ । पछिल्ला १४ खेलमा टोलीले एक खेलमा हार बेहोरेको थियो । अघिल्लो सिजन बिर्सनलायक प्रदर्शन गरेको चेल्सी अहिले उच्च फर्ममा छ । प्रिमियर लिगका २० खेलमा टोलीले ४९ अंक जोडिसकेको छ ।