काठमाडौं (हाम्रो खेलकुद) – अखिल नेपाल फुटबल संघ (एन्फा) ले श्रावण १९ गते शुक्रबार बसेको बैठकको निर्णय मध्यरातमा सार्वजनिक गरेको छ । दिउँसो १ बजे सुरु भएको बैठक रातको १०:३० सम्म चलेको थियो ।

बैठकले एन्फाको विभिन्न प्रतियोगिता र समितिमा जिम्मेवारी व्यवस्थापनमा निर्णयहरु लिएको छ । यसबाहेक थ्री नेसन्स कपमा पुरस्कार रहेको ५ हजार अमेरिकी डलर राष्ट्रिय टोलीमा बाँड्ने निर्णय पनि गरेको छ ।

बैठकले राष्ट्रिय टोलीमा खेलेका दौरान घाइते भएका खेलाडीको सम्पूर्ण खर्च पनि संघले नै बेहोर्ने निर्णय गरेको छ । समितिले राष्ट्रिय टोलीमा महिला रप पुरुषको समान पुरस्कार विषयमा पनि अध्ययन गर्न सचिवालयलाई जिम्मेवारी दिएको छ ।

एन्फाले तीन स्थानमा महिला एकेडेमी संचालन गर्न अर्को कार्यसमितिमा बजेट र कार्यक्रम पेश गर्ने निर्णय गरेको छ । त्यस्तै एन्फाले महिला राष्ट्रिय टोलीको नकआउट प्रतियोगिता आयोजना गर्न सचिवालयलाई विस्तृत कार्यक्रम प्रस्तुत गर्न जिम्मा दिएको छ ।

बैठकबाट महिला तथा पुरुष राष्ट्रिय खेलाडीहरुको पुरानो पुरस्कार पनि आउने दिनमा प्रदान गर्ने निर्णय भएको छ । बैठकले गरेको अन्य निर्णय यसप्रकार रहेको छ :