अकल्यान्ड – मिडफिल्डर एइटाना बोनामाटीले दुई गोलसँगै दुई असिस्ट प्रदान गरेपछि उपाधि दावेदार स्पेनले स्वीट्जरल्यान्ड्समाथि सानदार जित दर्ता गर्दै फिफा महिला विश्वकप फुटबल २०२३ को क्वाटरफाइनलमा प्रवेश गरेको छ ।

प्रि–क्वाटरफाइनलमा स्वीट्जरल्यान्ड्समाथि ५–१ को सानदार जित निकाल्दै स्पेनले अन्तिम आठको यात्रा तय गरेको हो । स्पेनको जितमा एइटाना बोनमाटीले दुई तथा अल्वा रेडोन्डोले, लाइए कोडिना र जेनिफर हर्माेसोले समान एक गोल गरिन् । स्वीट्जरल्यान्ड्सले उपहार गोल पाएको थियो ।

पहिलो हाफमा ५ तथा दोस्रो हाफमा एक गोल सम्भव भएको थियो । न्युजिल्यान्डको अकल्यान्डस्थित इडेन पार्कमा शनिबार गोलको वर्षा भएको खेलको पाँचौं मिनेटमा नै एइटाना बोनामाटीको गोलबाट स्पेनले सुरुवाती अग्रता लिन सफल भएको थियो । उनले अल्वा रेडोन्डोको पासमा गोल गर्न सफल भएकी थिइन् ।

११औं मिनेटमा लाइआ काेडिनाले आत्मघाती गोल गरेपछि खेल १–१ गोलको बराबरीमा पुग्यो । १७औं मिनेटमा अल्वा रेडोन्डोले एइटानाको पासमा गोल गर्दैस्पेनलाई २–१ को अग्रता दिलाइन् । ३६औं मिनेटमा एइटाना बोनामाटीले व्यक्तिगत दोस्रो तथा टोलीका लागि तेस्रो गोल गर्दै स्पेनलाई खेलमा ३–१ ले अघि बढाइन् ।

पहिलो हाफको अन्त्यतिर लाइए कोडिनाले गोल गरेपछि स्पेनले पहिलो हाफमा ४–१ को आरामदायी अग्रता लिन सफल भयो । ७०औं मिनेटमा जेनिफर हर्माेसोे गोल गर्दे स्पेनलाई ५–१ को सानदार जित दिलाइन् । उनले एइटाना बोनामाटीको पासमा गोल गर्न सफल भएकी थिइन् ।

अब स्पेनले क्वाटरफाइनलमा नेदरल्यान्ड्स र दक्षिण अफ्रिकाबीचको विजेतासँग ११ अगस्टमा प्रतिस्पर्धा गर्नेछ । आज नै प्रि–क्वाटरफाइनलमा जापान र नर्वेबीच प्रतिस्पर्धा हुँदैछ । जापान समूह ‘सी’ को विजेता तथा नर्वे समूह ‘ए’ को उपविजेता टोली हो ।