default_image

12 months ago

August 5, 2023

नर्वेलाई हराउँदै जापान क्वाटरफाइनलमा

3436 views

0 Bookmark

वेलिङटन – नर्वेमाथि सहज जित निकाल्दै जापान फिफा महिला विश्वकप फुटबल २०२३ को क्वाटरफाइनलमा प्रवेश गरेको छ । नर्वेलाई ३–१ ले पराजित गर्दै जापानले अन्तिम आठमा स्थान सुरक्षित गरेको हो ।

जापानको जितमा रिसा सिमिजु र हिनाता मियाजावाले गोल गर्दा एक गोल उपहार पाएको थियो । नर्वेकी गुरो रेइटेनले एक गोल फर्काइन् ।न्युजिल्यान्डको वेलिङटनस्थित वेलिङटन रिजनल स्टेडियममा शनिबार भएको रोमाञ्चक खेलमा जापानले खेलको १५औं मिनेटमा आत्मघाती गोलबाट अग्रता लिन सफल भएको थियो ।

इनग्रिड सेयसटाड इंगेनले आत्मघाती गोल गर्न पुगेकी थिइन् । तर, जापानको त्यो अग्रता लामो समय टिकेन । २०औं मिनेटमा गुरो रेइटेनले गोल गर्दै खेललाई पहिलो हाफमा १–१ गोलको बराबरीमा ल्याइन् । उनले भिल्डे बोई रिसाको पासमा गोल गर्न सफल भएकी थिइन् ।

५०औं मिनेटमा रिसा सिसा सिमिजुले गोल गर्दै जापानलाई २–१ को अग्रता दिलाइन् । ८१औं मिनेटमा हिनाता मियाजावाले गोल गर्दै जापानको सहज जित पक्का गरिन् । सर्वाधिक गोलकर्ताको सुचीमा शीर्षस्थानमा रहेकी उनको यो पाँचौ गोल हो ।

अब जापानले क्वाटरफाइनलमा स्वीडेन र अमेरिकाबीचको विजेतासँग ११ अगस्टमा खेल्नेछ । यि दुई टोलीले आइतबार खेल्दैछ ।

आज (शनिबार) नै स्पेनले स्वीट्जरल्यान्ड्समाथि ५–१ को सानदार जित निकाल्दै अन्तिम आठको यात्रा तय गरिसकेको छ । स्पेनको जितमा एइटाना बोनमाटीले दुई तथा अल्वा रेडोन्डोले, लाइए कोडिना र जेनिफर हर्माेसोले समान एक गोल गरिन् । स्वीट्जरल्यान्ड्सले उपहार गोल पाएको थियो ।

अब स्पेनले क्वाटरफाइनलमा नेदरल्यान्ड्स र दक्षिण अफ्रिकाबीचको विजेतासँग ११ अगस्टमा प्रतिस्पर्धा गर्नेछ ।

July 25, 2024

मछिन्द्र र चर्च ब्वाइज विजयी

काठमाडौं (हाम्रो खेलकुद) – ललित स्मृति यु-१८ लिग अन्तर्गत बिहीबार भएका खेलमा मछिन्द्र एफसी र चर्च ब्वाइज युनाइटेड विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा मछिन्द्रले एफसी खुमलटार माथि २-१ को जित दर्ता गरेको हो । कविर तामाङ र रोनिक राना मगरले मछिन्द्रका लागि एक एक गोल गरे । यस्तै खुमलटारका […]

July 25, 2024

एएफसी प्लेअफ खेलमा केल्मीको बल प्रयोग हुने

काठमाडौं (हाम्रो खेलकुद) – नेपालको लिग च्याम्पियन अपि पावर चर्च ब्वाइज युनाइटेडले यसै महिनाको अन्त्यमा खेल्ने एएफसी च्यालेन्ज लिगको प्लेअफ खेलमा केल्मीको बल प्रयोग हुने भएको छ । नेपालको लागि केल्मीको आधिकारिक विक्रेता कामारु ट्रेडिङले चर्च ब्वाइजलाई प्रतियोगिता र प्रशिक्षणका लागि आवश्यक म्य्च बल उपलब्ध गराउने भएको हो । केल्मी र एएफसीबीच सन् २०२१ देखि […]

July 25, 2024

करिब दुई घण्टापछि गोल रद्द गर्दा अर्जेन्टिना पराजित

एजेन्सी – गोल गरेको करिब २ घण्टापछि गोल रद्द भएपछि पेरिस ओलम्पिकमा पुरुष फुटबलको आफ्नो पहिलो खेलमा अर्जेन्टिना पराजित भएको छ । अर्जेन्टिना मोरोक्कोसँग २-१ ले पराजित भएको हो । सोफियान रहिमीले पहिलो हाफको अन्त्यमा र ४९औं मिनेटमा गोल गर्दै मोरक्कोलाई खेलमा २ गोलको अग्रता दिलाएका थिए । ६८औं मिनेटमा जिउकियानो सिमिओनेले अर्जेन्टिनाका लागि एक […]

Success

Thank you for your time.