default_image

11 months ago

August 6, 2023

अल नासर अरब क्लब कपको सेमिफाइनलमा

4025 views

0 Bookmark

एजेन्सी – साउदी क्लब अल नासर अरब क्लब कप २०२३ को सेमिफाइनलमा प्रवेश गरेको छ । आइतबार भएको क्वाटरफाइनलमा मोरक्कोको राजा क्लासबान्कालाई हराउँदै अल नासर अन्तिम चारमा प्रवेश गरेको हो ।

अल नासरका लागि कप्तान क्रिस्टियानो रोनाल्डो, सुल्तान अल घानाम र सेको फोफानाले १-१ गोल गरेका थिए । रोनाल्डोले १९ औं मिनेटमा सुरुवाती अग्रता दिलाएपछि अल नासरले राम्रो सुरुवात गरेको थियो । एन्डरसन टालिस्का सिर्जना गरेको सुन्दर मुभलाई रोनाल्डोले गोलमा परिणत गरेका थिए ।

२९ औं मिनेटमा अल घानमले अग्रता दोब्बर पारे । उनले अब्दुल्लाह अल खैबारीको पासलाई पेनाल्टी क्षेत्रको दायाँ भागबाट शक्तिशाली प्रहारमार्फत गोल गरे ।

३८ औं मिनेटमा फोफानाले ब्राजिलियन डिफेन्डर एलेक्स टेलेसको क्रसमा हेडरमार्फत गोल गर्दै ३-० को अग्रता दिलाए । ४१ औं मिनेटमा अब्दुल्लाह मादुले आत्मघाती गोल गर्दा क्लासबान्का खेलमा फर्कने संकेत देखिएको थियो । तर त्यसपछि दोस्रो हाफमा गोल हुन नसक्दा अल नासर सेमिफाइनलमा पुगेको हो ।

अल नासरले अब सेमिफाइनलमा इराकको अल शोर्ताको सामना गर्नेछ । शनिबार भएको क्वाटरफाइनलमा कतारको अल साद इराकको अल शोर्तासँग पराजित भयो । अल सादका अक्रम अफिफले दुई गोल गरेपनि टोली ४-२ ले पराजित भएको थियो ।

शनिबार नै भएको खेलमा अल हिलालले अल इतिहादमाथि ३-१ को जित दर्ता गर्दै सेमिफाइनलमा स्थान बनाएको थियो । अल इतिहादका लागि फ्रान्सेली फरवार्ड करीम बेन्जेमाले पेनाल्टी चुकाए ।

अल हिलालले खेलको १४ औं मिनेटमा सर्गे मिलिन्कोभिच साभिचको गोलमा अग्रता लिएको थियो । उनले पोर्चुगिज मिडफिल्डर रुबेन नेभेसले दिएको बलमा हेडरमार्फत गोल गरे । इन्ज्युरी समयको पहिलो मिनेटमा साउदी फरवार्ड सालेम अल दावसारीले पेनाल्टीमा गोल गर्दै अग्रता दोब्बर पारे ।

५६ औं मिनेटमा अल इतिहादले गोल गर्दै खेलमा फर्कने संकेत दियो । इगोर कोरोनादोको पासमा ब्राजिलियन फरवार्ड रोमारिन्होले गोल गर्दै २-१ को स्थिति बनाए ।

तर ७० औं मिनेटमा अल हिलालले पुन: २ गोलको अग्रता लियो । यासिर अल सहरानीले दिएको बललाई माल्कमले हेडरमार्फत गोल गरे । ७९ औं मिनेटमा करीम बेन्जेमाले पेनाल्टीको सदुपयोग गर्न नसक्दा अल इतिहाद खेलमा फर्कन सकेन ।

आज हुने अन्तिम क्वाटरफाइनलमा साउदीको अल शबाबले यूएईको अल वाह्दाको सामना गर्नेछ । यो खेल रातको ११:४५ बजे हुनेछ ।

June 25, 2024

नाचो र जोसेलुले रियल म्याड्रिड छाड्ने

एजेन्सी – स्पेनिस क्लब रियल म्याड्रिडका कप्तान तथा डिफेन्डर नाचो फर्नान्डेस र फरवार्ड जोसेलु माटाले यो सिजनको अन्त्यसँगै क्लब छाड्ने भएका छन् । सान्टियागो बर्नाबेउमा सम्झौताको अवधि सकिएसँगै युरो २०२४ मा स्पेनको प्रतिनिधित्व गरिरहेका नाँचोले नयाँ चुनौती पछ्याउने निर्णय गरेका छन् । उनी साउदी प्रो लिग क्लब अल कादासियामा सामेल हुने सम्भावना रहेको छ । […]

June 25, 2024

ब्राजिल र कोस्टारिकाको बराबरी

एजेन्सी – उपाधि दावेदार ब्राजिलले कोपा अमेरिका २०२४ अन्तर्गत आफ्नो पहिलो खेलमा कोस्टारिकासँग बराबरी खेलेको छ । अमेरिकाको लस एन्जेलसस्थित सोफाइ रंगशालामा सम्पन्न खेल गोलरहित बराबरीमा टुंगिदा दुवै टोलीले १-१ अंक हात पारे । ब्राजिलले खेलमा एकपक्षीय आक्रमण गरेपनि आवश्यक गोल भने गर्न सकेन । ब्राजिलले पहिलो हाफमा मार्किन्हसको प्रयासमा बललाई पोस्टभित्र पठाएपनि रेफ्रीले भीएआरको […]

June 25, 2024

इटाली नाटकीय ढंगले युरो कपको अन्तिम १६मा

एजेन्सी – अन्तिम मिनेटमा बराबरी गोल गर्दै साविक विजेता इटाली युरो कप २०२४ को अन्तिम १६ मा प्रवेश गरेको छ । इन्ज्युरी समयको अन्तिम समयमा एक गोलले पछि परेको अवस्थामा गोल गरेर क्रोएसिया विरुद्ध १-१ को बराबरी खेल्दै इटाली नकआउट चरणमा पुगेको हो । ५५औं मिनेटमा लुका मोड्रिचको गोलमा क्रोएसियाले अग्रता लिएको थियो । त्यसअघि […]

Success

Thank you for your time.