धनगढी (हाम्रो खेलकुद) – संकटा क्लबलाई १-०ले पराजित गर्दै लक्ष्मी हुन्डाई मनाङ मर्श्यन्ग्दी क्लबले धनगढीमा जारि खप्तड गोल्डकपको उपाधि जितेको छ।
फाइल तस्बिर
खेलको तेश्रो मिनेटमा नै कप्तान अनिल गुरुङको गोलबाट अग्रता बनाएको मनाङलाई उक्त गोल उपाधि जित्न काफी रह्यो। संकटाले खेलमा केहि मौका पाएपनि त्यसको फाइदा उठाउन नसक्दा खेलमा पराजय भोग्नु पर्यो। खेलको ८२औं मिनेटमा मनाङका डिफेन्डर कमल श्रेष्ठले बक्सभित्र ह्याण्डबल गरेपछि पाएको पेनाल्टीमा मिडफिल्डर विश्व अधिकारी चुकेपछि संकटाको उपाधि जित्ने आशा बिलाएको थियो।
जितसंगै मनाङले नगद रु. पाँच लाख हात पार्यो। फाइनल खेलको म्यान अफ द म्याच मनाङका कप्तान एवं गोलकर्ता अनिल गुरुङ घोषित भए।
