default_image

11 months ago

August 8, 2023

सानदार जितसँगै फ्रान्स विश्वकपको क्वाटरफाइनलमा

803 views

0 Bookmark

एडिलेड – युजेनी ले सोमेरले दुई तथा काडियाटोउ डिएनीले एक गोलसँगै दुई असिस्ट प्रदान गरेपछि मोरोक्कोमाथि सानदार जित दर्ता गर्दै उपाधि दावेदार फ्रान्स फिफा महिला विश्वकप फुटबल २०२३ को क्वाटरफाइनलमा प्रवेश गरेको छ ।

अन्तिम प्रि–क्वाटरफाइनलमा मोक्कोलाई ४–० को फराकिलो गोल अन्तरले पराजित गर्दै फ्रान्सले क्वाटरफाइनलमम स्थान पक्का गरेको हो ।

हिन्दमार्स स्टेडियम एडिलेड अष्ट्रेलियामा मंगलबार भएको खेलमा फ्रान्सको फराकिलो जितमा युजेनी ले सोमेरले दुई तथा काडियाटोउ डिएनी र केन्जा डालीले समान एक गोल गरिन् । पहिलो हाफमा तीन गोल गरेको फ्रान्सले दोस्रो हाफमा एक गोल थप्दै फराकिलो जित पक्का गर्यो ।

पहिलो हाफमा ९ मिनेटको अन्तरमा तीन गोल गर्दै फ्रान्स सहज जिततर्फ अघि बढ्यो । १५औं मिनेटमा पहिलो गोल गरेको फ्रान्सले २३ मिनेट भित्र नै ३–० को आरामदायी अग्रता लिन सफल भएको थियो ।

१५औं मिनेटमा काडियाटोउ डिएनीले गोल गर्दै फ्रान्सलाई १–० को अग्रता दिलाइन् । उनले सकिना कर्चाओइको पासमा गोल गर्न सफल भएकी थिइन् ।

२०औं मिनेटमा केन्जा डालीले गोल गर्दै फ्रान्सको अग्रता दोब्बर पारिन् । उनले काडियाटोउ डिएनीको पासमा गोल गर्न सफल भइन् । २३औं मिनेटमा युजेनी ले सोमेरले गोल गर्दै फ्रान्सलाई पहिलो हाफमा ३–० को अग्रता दिलाइन् । उनले काडियाटोउ डिएनीको पासलाई सदुपयोग गरिन् ।

७०औं मिनेटमा युजेनी ले सोमेरले व्यक्तिगत दोस्रो तथा टोलीका लागि चौथो गोल गर्दै फ्रान्सलाई फराकिलो जित दिलाइन् । उनले यसपटक भिकी बेचोको पासमा गोल गर्न सफल भइन् । खेल भर नै फ्रान्सले बल पोसेसन राख्दै मोरोक्कोमाथि लगातार दवाव कायम राख्यो ।

मोरोक्कोले भने काउन्टर अट्याकमा केही आक्रमण बुनेपनि सफल हुन नसक्दा फराकिलो हार बेहोर्न पुग्यो । अब फ्रान्सले क्वाटरफाइनलमा सह आयोजक अष्ट्रेलियासँग खेल्नेछ ।

फ्रान्सले क्वाटरफाइनलमा स्थान बनाएसँगै फिफा महिला विश्वकप फुटबलको क्वाटरफाइनल समिकरण पूरा भएको छ । अब क्वाटरफाइनलमा स्पेन र नेदरल्यान्ड्स, जापान र स्वीडेन, अष्ट्रेलिया र फ्रान्स तथा इंग्ल्यान्ड र कोलम्वियाबीच खेल हुनेछ ।

११ अगस्टमा स्पेन र नेदरलन्ड्स तथा जापान र स्वीडेनबीच खेल हुनेछ । १२ अगस्टमा अष्ट्रेलिया र फ्रान्स तथा इंग्ल्यान्ड र कोलम्वियाबीच खेल हुनेछ । १५ अगस्टमा पहिलो र १६ अगस्टमा दोस्रो सेमिफाइनल हुनेछ ।

१९ अगस्टमा तेस्रो स्थानको लागि तथा २० अगस्टमा फाइनल हुनेछ । २० जुलाईबाट सुरु भएको विश्वकपमा ३२ टोलीको सहभागिता रहेको थियो । सहभागी टोलीलाई ८ समुहमा विभाजन गरिएको थियो ।

आज नै जमैकालाई १–० ले पराजित गर्दै कोलम्वियाले क्वाटरफाइनलमा स्थान पक्का गरेको हो । कोलम्वियाको जितमा दोस्रो हाफमा क्याटलिना उस्मीले गरेको गोल नै निर्णायक बन्यो । उनले ५१औं मिनेटमा गोल गर्न सफल भएकी थिइन् । उनले एना गुजमनको पासमा गोल गर्न सफल भएकी थिइन् ।

मेलवर्न रेकटेङगुलर स्टेडियम मेलवर्न अष्ट्रेलिया प्रतिस्पर्धात्मक र रोमाञ्चक बनेको खेलमा दुवै टोलीले गोलका केही अवसर सिर्जना गरेपनि सदुपयोग गर्न सकेन ।

अब कोलम्वियाले क्वाटरफाइनलमा इंग्ल्यान्डको सामना गर्नेछ । इंग्ल्यान्डले सोमबार नाइजेरियालाई टाइब्रेकरमा ४–२ ले पराजित गर्दै अन्तिम आठमा स्थानमा स्थान बनाइसकेको छ । यि दुई टोलीको खेल १२ अगस्टमा हुनेछ ।

June 21, 2024

अर्जेन्टिनाको विजयी सुरुवात

एजेन्सी – साविक विजेता अर्जेन्टिनाले २०२४ संस्करणको कोपा अमेरिकामा विजयी सुरुवात गरेको छ । एटलान्टामा भएको उद्दघाटन खेलमा अर्जेन्टिनाले क्यानडा माथि २-० को जित दर्ता गरेको हो । अर्जेन्टिनाका लागि स्ट्राइकरद्वय जुलियन अल्भारेज र लौतारो मार्टिनेजले समान १-१ गोल गरे । पहिलो हाफमा खेलमा नियन्त्रण काम भएतापनि दोस्रो हाफमा अर्जेन्टिनाले सुधारिएको प्रदर्शन गरेको थियो । […]

June 21, 2024

इटालीलाई हराउँदै स्पेन अन्तिम १६ मा

एजेन्सी – इटाली माथि जित हात पार्दै स्पेन यूरो कप २०२४ को अन्तिम १६ मा प्रवेश गरेको छ । बिहीबार राति सम्पन्न खेलमा स्पेनले इटाली माथि १-० को जित निकालेको हो । स्पेनको एकमात्र गोल दोस्रो हाफको सुरुवातमा आत्मघाती गोल रूपमा आएको थियो । खेलको ५५औं मिनेटमा निको विलियम्सको क्रसमा इटालियन डिफेन्डर रिकार्डो कालाफियोरीलाई लागेर […]

June 21, 2024

इङ्ल्यान्डले डेनमार्कसँग अंक बाँड्यो

एजेन्सी – युरो कप २०२४ को आफ्नो दोस्रो खेलमा उपाधि दाबेदार इङ्ल्यान्डले डेनमार्क विरुद्ध अंक बाँडेको छ । फ्रांकफर्ट एरिनामा भएको खेलमा इङ्ल्यान्डले डेनमार्क विरुद्ध १-१ को बराबरी खेल्दै अंक बाँडेको हो । पहिलो खेलमा सर्बिया विरुद्ध १-० को झिनो अन्तरको जित हासिल गरेको इङ्ल्यान्डले डेनमार्क विरुद्ध लिएको अग्रता बचाउन सकेन । १८औं मिनेटमा कप्तान […]

Success

Thank you for your time.