default_image

11 months ago

August 9, 2023

फुटबल खेलाडीलाई एमआरआईमा छुट

536 views

0 Bookmark

काठमाडौं (हाम्रो खेलकुद) – नेपाली फुटबल खेलाडीहरुको छाता संगठन अखिल नेपाल फुटबल खेलाडी संघको पहलमा फुटबल खेलाडीहरुलाई एमआरआई लगायत अन्य परिक्षणमा छुट हुने भएको छ ।

खेलाडी संघले बुधबार जारी गरेको विज्ञप्ति अनुसार संघले ललितपुर थ्री टेस्ला एमआरआइ एन्ड डायग्नोष्टिक सेन्टर प्रालि र
अल फर बल बीच त्रिपक्षीय सम्झौता गरेको हो । सम्झौता अनुसार ललितपुर थ्री टेस्ला एमआरआइ एन्ड डायग्नोष्टिक सेन्टर प्रालिले प्रदान गर्ने सेवामा खेलाडीलाई ५०% छुट प्रदान गरिनेछ ।

यसबाट पुरुषतर्फ ए,बी र सी डिभिजन लिग तथा महिलातर्फ राष्ट्रिय लिग खेलेका खेलाडी तथा राष्ट्रिय टोली वा उमेर समूहको राष्ट्रिय टोलीबाट खेल्दा चोट बोकेका खेलाडीलाई छुटको सुविधा हुनेछ । यस्तै यी खेलाडीको अभिभावकले पनि २५ प्रतिशत छुटको सुविधा प्राप्त गर्नेछन् ।

संघले विपन्न वर्गका खेलाडीलाई भने शत प्रतिशत छुट उपलब्ध गराउने जनाएको । संघले यसका लागि अल फर बल र थ्री टेस्लाले फुटबल सम्बन्धि कार्यक्रम आयोजना गर्दा आवश्यक समन्वय गर्ने प्रतिवद्धता व्यक्त गरेको छ ।

ललितपुर थ्री टेस्ला एमआरआइ एन्ड डायग्नोष्टिक सेन्टर प्रालि ललितपुरको जावलाखेलमा अवस्थित छ । खेलाडीले चोट बोक्दा प्रायजसो प्रयोग गर्नुपर्ने स्वास्थ्य परिक्षण यस संस्थामा उपलब्ध हुँदा खेलाडीलाई आर्थिक भार कम हुनुका साथै अत्याधुनिक उपकरणमा उच्च स्तरीय सेवा प्रदान गर्ने विश्वास संस्थाले लिएको छ ।

खेलाडी संघले यसै महिना मात्र अखिल नेपाल फुटबल संघ (एन्फा) समक्ष फुटबल गतिविधिबारे ध्यानाकर्षण पत्र बुझाएको थियो । यसबाहेक संघले क्लब र खेलाडीबीच समन्वय गर्नुका साथै समस्यामा परेका खेलाडीलाई समाधानका लागि साथ सहयोग गर्दै आएको छ ।

July 12, 2024

वर्षाका कारण चितवन जिल्ला लिग स्थगित

सुशिल पन्त क्षेत्री, चितवन सेन्ट्रल कलेज चितवन जिल्ला ए डिभिजन लिग तत्कालका लागि स्थगित भएको छ । चितवन जिल्ला फुटबल संघले आज एक सुचना जारी गर्दै लिगका खेलहरु तत्कालका लागि स्थगित भएको जानकारी दिएको हो । अविरल वर्षाका कारण लिगका खेल सञ्चालित भरतपुर ७ कृष्णपुरको मैदान हिलाम्य भएकोले अर्को सूचना जारी नभएकोसम्मका लागि स्थगित गरिएको […]

July 12, 2024

रोहित एक सिजन इन्डोनेसियामै खेल्ने 

काठमाडौं (हाम्रो खेलकुद) – नेपाली राष्ट्रिय फुटबल टोलीका अनुभवी खेलाडी रोहित चन्द अझै एक सिजन इन्डोनेसियामा नै बस्ने भएका छन् । इन्डोनेसियन लिगा वान टोली पेर्सिक केदिरीसँग सम्झौता नवीकरण गरेसँगै रोहितले व्यवसायिक फुटबलको थप एक सिजन इन्डोनेसियाको शीर्ष डिभिजनमा नै बिताउने भएका हुन् । सन् २०१३ मा पहिलो पटक इन्डोनेसिया पुगेका रोहितले बीचमा मलेसियन लिग […]

July 11, 2024

अर्जेन्टिनाले कोपा अमेरिका उपाधिका लागि कोलम्बिया विरुद्ध भिड्ने

एजेन्सी – साविक विजेता अर्जेन्टिनाले कोपा अमेरिका उपाधि रक्षा गर्नका लागि फाइनलमा कोलम्बिया विरुद्ध खेल्ने भएको छ । बिहीबार बिहान भएको दोस्रो सेमिफाइनलमा कोलम्बियाले उरुग्वे माथि १-० को जित निकालेसँगै अर्जेन्टिनाको फाइनल प्रतिद्वन्दी टुंगो लागेको हो । कोलम्बियाका लागि ३९औं मिनेटमा जेफर्सन लर्माले प्रहार गरेको हेडर नै पर्याप्त बन्यो । पहिलो हाफको अन्त्यमा डेनियल मुनोजले […]

Success

Thank you for your time.