2 years ago
August 11, 2023
काठमाडौं (हाम्रो खेलकुद) – एसियाली फुटबल महासंघ (एएफसी) ले एसियन कप २०२३ मा प्रयोग हुने केल्मीको आधिकारिक बल ‘भोर्टेक्स एसी२३’ सार्वजनिक गरेको छ ।
अर्को वर्ष कतारमा हुने एसियन कपका लागि समूह विभाजन लगायत सम्पूर्ण प्रक्रिया पूरा भइसकेको छ । एएफसीले आफ्नो अधिकारिक किट प्रायोजक केल्मीको बल प्रतियोगिताका लागि विशेष रुपमा तयार पारेको हो ।
बलमा आयोजक राष्ट्र कतारको रंग समावेश गरिएको छ । यस्तै बलको डिजाइनमा प्रतियोगिताको लोगोको झल्कोसँगै मुख्य लोगो बलको मध्यभागमा राखिएको छ ।
🌟 𝐓𝐢𝐦𝐞 𝐓𝐨 𝐏𝐥𝐚𝐲. 𝐓𝐡𝐞 𝐰𝐚𝐢𝐭 𝐢𝐬 𝐨𝐯𝐞𝐫.
— #AsianCup2023 (@afcasiancup) August 10, 2023
⚽ Introducing the official match ball for #AsianCup2023, #VORTEXAC23!#OfficialMatchBall | #LeaveYourMark pic.twitter.com/KFcklWMvvG
बल सार्वजनिक गरेसँगै एएफसीका महासचिव विन्डसर जोनले केल्मीसँग सहकार्यमा बल सार्वजनिक गर्दा निकै खुसी रहेको बताए ।
‘एसियन कपको लामो यात्राजस्तै केल्मीले पनि विश्व खेलकुदमा आफ्नो बेग्लै पहिचान बनाएको छ । हामीलाई विश्वास छ केल्मीको विशेष डिजाइन र आधुनिक प्रविधिमा बनेको यो बलले उच्च स्तरीय खेल प्रस्तुत गर्न सहभागी टोलीलाई सहयोग पुग्नेछ ।’
🔊 𝗔 𝗚𝗹𝗶𝗺𝗽𝘀𝗲 𝗶𝗻𝘁𝗼 𝘁𝗵𝗲 𝗙𝘂𝘁𝘂𝗿𝗲 𝗼𝗳 𝗔𝘀𝗶𝗮𝗻 𝗙𝗼𝗼𝘁𝗯𝗮𝗹𝗹 🌟
— #AsianCup2023 (@afcasiancup) August 10, 2023
The AFC General Secretary shares an exciting update – the upcoming unveiling of the official match ball for #AsianCup2023, in partnership with Kelme! pic.twitter.com/z9ANXmJBsX
केल्मीले नेपालमा पनि विभिन्न खेलको राष्ट्रिय टोलीलाई प्रयोजन गर्दै आएको छ । यसअघि राष्ट्रिय फुटबल टोलीको समेत किट प्रायोजक रहेको केल्मी हाल ए डिभिजनमा अधिकांश क्लबको रोजाइ रहेको छ ।
नेपालका लागि केल्मीको अधिकारिक विक्रेता कामारु ट्रेडिङ प्रालिका प्रबन्ध निर्देशक उत्तम न्यौपानेले एएफसीसँग आवद्धताले ब्राण्डलाई थप सहयोग पुग्ने बताए ।
‘एएफसीसँग जोडिन पाउनु हाम्रो लागि राम्रो अवसर हो । नेपालमा भएका एएफसी प्रतियोगितामा पनि केल्मीको सामग्री प्रयोग हुनुले नेपाली बजारमा विश्वसनीयता बढेको छ । एएफसी कपमा मच्छिन्द्रले पनि हामीसँग सहकार्य गरेको छ,’ उनले भने ।
एसियन कप २० जनवरी देखि १० फेब्रुअरीसम्म कतारमा हुँदैछ । प्रतियोगितामा सहभागी २४ राष्ट्रलाई ६ समूहमा विभाजन गरिएको छ । हरेक समूहबाट शीर्ष दुई तथा उत्कृष्ट ४ तेस्रो हुने टोलीले नकआउट चरणमा स्थान बनाउनेछन् ।
December 20, 2025
एजेन्सी – चेल्सी र न्युक्यासल युनाइटेडबीच प्रिमियर लिगमा आजको खेल बराबरीमा टुंगिएको छ। सेन्ट जेम्स पार्कमा खेलको सुरुवाती २० मिनेटमै न्युक्यासलले निक भोल्टेमाडेको दुई गोलमा पहिलो हाफमा २-० को अग्रता बनायो। चौथो र २० औ मिनेटमा भोल्टेमाडेको दुवै गोलमा एन्थोनी गोर्डनको भूमिका महत्वपूर्ण रह्यो। तर त्यसपछि चेल्सीले खेलमा पकड बनायो। रीस जेम्सले ४९ औं मिनेटमा […]
December 20, 2025
काठमाडौं (हाम्रो खेलकुद)- इस्ट बंगालले साफ महिला क्लब च्याम्पियनसिपको उपाधि जितेको छ। फाइनलमा एपिएफ क्लबलाई ३-० ले हराउँदै इस्ट बंगाल च्याम्पियन बनेको हो। त्रिपुरेश्वरस्थित दशरथ रंगशालामा इस्ट बंगाललाई जित दिलाउन कप्तान फजिला इक्वापुटले २ र शिल्कीदेवी हनाम १ गोल गरिन् । इस्ट बंगालले २२ औं मिनेटमा गोल अग्रता लिएको हो। गोलकिपर अन्जना राना मगर र गीता […]
December 20, 2025
काठमाडौं (हाम्रो खेलकुद)- साफ महिला क्लब च्याम्पियनसिपको फाइनलको पहिलो हाफमा एपिएफ क्लब विरुद्ध इस्ट बंगालले २-० कप अग्रता लिएको छ। इस्ट बंगालले २२ औं मिनेटमा गोल अग्रता लिएको हो। गोलकिपर अन्जना राना मगर र गीता रानाको समन्वय नमिल्दा इस्ट बंगालले गोलको अवसर सिर्जना गर्यो । कप्तान फजिला इक्वापुटले गोल गरेकी हुन्। पेनाल्टी बक्सबाट उनले अघि […]
