default_image

11 months ago

August 12, 2023

म्यानचेस्टर सिटीको विजयी सुरुवात

761 views

0 Bookmark

एजेन्सी – साविक विजेता म्यानचेस्टर सिटीले इंग्लिस प्रिमियर लिगमा विजयी सुरुवात गरेको छ ‌।

शुक्रबार सम्पन्न खेलमा एर्लिङ हालान्डले दुई गोल गरेपछि सिटीले नवप्रवेशी बर्नलीमाथि ३-० को जित दर्ता गरेको हो । गत सिजन गोल्डेन बुट जितेका हालान्डले खेलको पहिलो हाफमा नै २ गोल गरेका थिए । अर्को गोल दोस्रो हाफमा रोड्रीले गरे ।

खेलको तेस्रो मिनेटमै हालान्डले नयाँ सिजनको खाता खोले । बायाँ विंगबाट केभिन डि ब्रुएनले दिएको क्रसमा रोड्रीले पास मिलाएपछि हालान्डले सहजै फिनिस गरेका थिए ।

खेलको २१ अ‍ौं मिनेटमा कप्तान डि ब्रुएन चोट बोक्दै मैदान छाड्न बाध्य भए । तर सिटीको आक्रमण भने रोकिएन । ३६ अ‍ौं मिनेटमा काइल वाल्करले दायाँ विंगबाट सुरु गरेको आक्रमणमा हालान्डले दोस्रो गोल गरे ।

वाल्करको क्रस जुलियन अल्भारेजलाई रोक्दै हालान्डलाई दिँदा नर्वेली फरवार्डले बायाँ खुट्टाले पहिलो टचमा उत्कृष्ट फिनिस गरे ।

दोस्रो हाफको ७५ अ‍ौं मिनेटमा रोड्रीले गोल थप्दै सिटीको जित पक्का गरे । इन्ज्युरी समयमा बर्नलीका अनास जरुरीले रातो कार्ड पाएका थिए ।

सिटीले अब युरोपेली सुपर कपमा बुधबार सेभिल्लाको सामना गर्नेछ ।

July 16, 2024

पहिलो प्रि-सिजन खेलमा म्यानचेस्टर युनाइटेडको हार

एजेन्सी – २०२४/२४ फुटबल सिजन अघिको प्रि-सिजन अन्तर्गत पहिलो खेलमा इंग्लिश टोली म्यानचेस्टर युनाइटेड पराजित भएको छ । नर्वेमा भएको खेलमा म्यानचेस्टर युनाइटेड घरेलु टोली रोसेनबोर्ग विरुद्ध १-० ले पराजित भएको हो । सो गोल खेलको अन्तिम समयमा आएर थियो । नोआह होल्मले इन्ज्युरी समयको तेस्रो मिनेटमा गोल गर्दै रोसेनबोर्गलै जित दिलाए । युनाइटेडका लागि […]

July 15, 2024

रोड्रिगेज कोपा अमेरिकाको उत्कृष्ट खेलाडी

एजेन्सी – उपविजेता कोलम्बियाका कप्तान हामेस रोड्रिगेज कोपा अमेरिका २०२४ को उत्कृष्ट खेलाडी घोषित भएका छन् । अर्जेन्टिना विरुद्ध फाइनलमा १-० ले पराजित भएपनि उनले उत्कृष्ट खेलाडीको उपाधि हात पारेका हुन् । प्रतियोगिता अवधिभर उनले १ गोलका साथै ६ असिस्ट गर्न सफल रहे । फाइनलमा भने उनी अतिरिक्त समयको सुरुवात परिवर्तन भएका थिए । यस्तै […]

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

Success

Thank you for your time.