default_image

10 months ago

August 13, 2023

एएफसी कप छनोटको प्लेअफ खेल्न मछिन्द्र भारत प्रस्थान

1824 views

0 Bookmark

काठमाडौं (हाम्रो खेलकुद) – एएफसी कप छनोटको प्लेअफ अन्तर्गत दोस्रो चरणमा प्रतिस्पर्धा गर्न मछिन्द्र फुटबल क्लब आइतबार भारत प्रस्थान गरेको छ ।

मंगलबार भएको पहिलो प्लेअफमा भुटानको पारो फुटबल क्लबलाई हराएपछि मछिन्द्र दोस्रो चरणका लागि छनोट भएको हो । मछिन्द्रले पारोलाई ३-२ अन्तरले पराजित गरेको थियो । टोलीका लागि विमल घर्ती मगर, आयुष घलान र ओलावाले अफिजले १-१ गोल गरेका थिए ।

मछिन्द्रले अब प्लेअफको फाइनलमा पुग्न मोहन बगानसँग प्रतिस्पर्धा गर्नेछ । यी दुईबीचको खेल कोलकातास्थित साल्ट लेक रंगशालामा बुधबार हुनेछ । मोहन बगानले शनिबार डुरान्ड कपको समूह चरण खेलमा छिमेकी प्रतिद्वन्द्वी इस्ट बंगालसँग १-० को हार बेहोरेको थियो ।

मोहन बगान र मछिन्द्रबीच खेलको विजेताले फाइनलमा माल्दिभ्सको क्लब इगल्स र बंगलादेशको ढाका अबहानीबीच विजेतासँग खेल्नेछ । उक्त फाइनलको विजेताले सिधै समूह चरणमा स्थान पक्का गर्नेछ । समूह चरणमा भारतको ओडीसा र माल्दिभ्सको माजियाको स्थान पक्का भइसकेको छ । बंगलादेशको बसुन्धारा किंग्स भने च्याम्पियन्स लिगको प्लेअफ पार गर्न नसके छनोट हुनेछ ।

मछिन्द्रका लागि मोहन बगानविरुद्ध क्यामरुनका फरवार्ड मेसुके ओलोमोउ पनि खेल्ने सम्भावना रहेको छ । कागजी प्रक्रियाका कारण नेपाल आउन नसकेका भनिएका उनी हाल भारतमै स्थानीय प्रतियोगिता खेलिरहेका थिए । क्लबले उनी सोमबार कोलकाता आइपुग्ने जानकारी दिएको छ ।

पूर्ण टोली :

गोलरक्षक (३) : विशाल श्रेष्ठ, प्रदिप भण्डारी, लुज महर्जन

डिफेन्डर (६) : सनिश श्रेष्ठ, ओमोलाजा करीम, देवेन्द्र तामाङ, दिवाकर चौधरी, छिरिङ गुरुङ र सुरज विक

मिडफिल्डर (५) : आन्द्रेस निया, एरिक विष्ट, लाकेन लिम्बु, दिपेश घले र उत्सव राई

फरवार्ड (९) : विमल घर्ती मगर, आशिष चौधरी, आयुष घलान, अफिज ओलावाले, मेसुके ओलोमोउ, सौरभ लिम्बु, अभिषेक गुरुङ, रेजिन सुब्बा र विजय भुजेल

मुख्य प्रशिक्षक : किशोर केसी

सहायक प्रशिक्षक : सन्तोष न्यौपाने

फिजियो : सुरज भुषाल

व्यवस्थापक : अनिल श्रेष्ठ

सहायक व्यवस्थापक : शिरिष श्रेष्ठ

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

June 14, 2024

एपिएफले एएफसी महिला च्याम्पियन्स लिग खेल्ने

काठमाडौं (हाम्रो खेलकुद) – विभागीय नेपाल एपिएफ क्लबले अगस्टमा हुने एएफसी महिला च्याम्पियन्स लिगमा सहभागिता जनाउने भएको छ । राष्ट्रिय महिला लिग २०२२ च्याम्पियन्स एपिएफले एएफसी महिला च्याम्पियन्स लिगको प्रारम्भिक चरणका लागि नेपालको प्रतिनिधित्व गर्न लागेको हो । एएफसी महिला च्याम्पियन्स लिगमा एपिएफसहित २२ टोलीले खेल्ने एसियन फुटबल महासंघ (एएफसी) ले जनाएको छ । एएफसीका […]

June 14, 2024

युरो कपको उद्घाटनमा जर्मनी र स्कटल्याण्ड भिड्दै, डिस होमले प्रत्यक्ष प्रसारण गर्ने

एजेन्सी – युइएफए युरो २०२४ आजदेखि जर्मनीमा सुरु हुँदैछ । आयोजक र तीन पटकको च्याम्पियन जर्मनीले शुक्रबार म्युनिखमा हुने उद्घाटन खेलमा स्कटल्याण्डको सामना गर्दैछ । म्युनिख फुटबल एरिनामा समूह ए अन्तर्गतको सो खेल शनिबार नेपाली समय अनुसार दिउँसो १२:४५ बजे सुरु हुनेछ । २४ शीर्ष युरोपियन टोलीहरू छ समूहमा विभाजित रहेका छन् । फाइनल जुलाई […]

Success

Thank you for your time.