default_image

11 months ago

August 17, 2023

सावित्राले इजरायलमा डेब्यु गर्दै

4132 views

0 Bookmark

काठमाडौं (हाम्रो खेलकुद) – नेपाली महिला राष्ट्रिय फुटबल टोलीकी स्टार फरवार्ड सावित्रा भण्डारीले आज इजरायली क्लब हापोएल रानानाको लागि डेब्यु गर्ने भएकी छिन् ।

क्लबले नकआउट प्रतियोगिता अन्तर्गत विहीबार दोस्रो चरणमा हादेराको सामना गर्दा सावित्राले डेब्यु गर्ने भएकी हुन् । खेल नेपाली समयअनुसार रातको १०:४५ बजे सुरु हुनेछ ।

सावित्राको टोलीले पछिल्लो दुई सातादेखि नयाँ सिजनको लागि प्रशिक्षण गरिरहेको छ । क्लबमा अमेरिकाका तीन खेलाडी पनि आबद्ध रहेका छन् । यसबाहेक इजरायलको उमेर समूहमा खेल्ने राष्ट्रिय खेलाडी पनि क्लबमा छन् ।

सावित्रा पहिलो पटक युरोपेली लिग खेल्न २ साताअघि इजरायल पुगेकी थिइन् । उनले टोलीसँग नियमित प्रशिक्षण गर्दै डेब्युका लागि उत्साहित रहेको हाम्रो खेलकुदलाई बताइन् ।

सावित्रा आजको खेलमा उत्रिएसँगै युरोपको आधिकारिक शीर्ष प्रतियोगिता खेल्ने पहिलो नेपाली खेलाडी बन्नेछिन् । खेलको प्रत्यक्ष प्रसारण भने नहुने क्लबले जनाएको छ । इजरायल फुटबल संघसँग प्रसारण अधिकार रहेको र क्लबको आग्रहलाई हालसम्म कुनै जवाफ नफर्काएको क्लबको व्यवस्थापक डोरोथी गुरले जानकारी दिइन् ।

July 16, 2024

पहिलो प्रि-सिजन खेलमा म्यानचेस्टर युनाइटेडको हार

एजेन्सी – २०२४/२४ फुटबल सिजन अघिको प्रि-सिजन अन्तर्गत पहिलो खेलमा इंग्लिश टोली म्यानचेस्टर युनाइटेड पराजित भएको छ । नर्वेमा भएको खेलमा म्यानचेस्टर युनाइटेड घरेलु टोली रोसेनबोर्ग विरुद्ध १-० ले पराजित भएको हो । सो गोल खेलको अन्तिम समयमा आएर थियो । नोआह होल्मले इन्ज्युरी समयको तेस्रो मिनेटमा गोल गर्दै रोसेनबोर्गलै जित दिलाए । युनाइटेडका लागि […]

July 15, 2024

रोड्रिगेज कोपा अमेरिकाको उत्कृष्ट खेलाडी

एजेन्सी – उपविजेता कोलम्बियाका कप्तान हामेस रोड्रिगेज कोपा अमेरिका २०२४ को उत्कृष्ट खेलाडी घोषित भएका छन् । अर्जेन्टिना विरुद्ध फाइनलमा १-० ले पराजित भएपनि उनले उत्कृष्ट खेलाडीको उपाधि हात पारेका हुन् । प्रतियोगिता अवधिभर उनले १ गोलका साथै ६ असिस्ट गर्न सफल रहे । फाइनलमा भने उनी अतिरिक्त समयको सुरुवात परिवर्तन भएका थिए । यस्तै […]

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

Success

Thank you for your time.