default_image

9 months ago

August 20, 2023

रियलको जितमा बेलिंघम नायक

2071 views

0 Bookmark

एजेन्सी – स्पेनिस ला लिगा अन्तर्गत शनिबार राति सम्पन्न खेलमा रियल म्याड्रिडले अल्मेरियाविरुद्ध जित हासिल गरेको छ ।

रियलले अल्मेरिया लाई ३-१ गोल अन्तरले पराजित गरेको हो । रियलको जितमा दुई गोल जुड बेलिंघमले गरे भने भिनिसियस जुनिअरले एक गोल थपे । अल्मेरियाका लागि भने सर्जियो आरिबासले एक गोल गरे । उनी रियलकै पुर्व खेलाडी हुन् ।

खेलको सुरुवाती अग्रता भने अल्मेरियाले तेस्रो मिनेटमै लिएको थियो । लेफ्ट विङ्गबाट आएको क्रसमा हेडमार्फत गोल गर्दै आरिबासले आफ्नो टिमलाई अग्रता दिलाएका थिए । तर रियलले पुनरागमन गर्न सफल भयो ।

बेलिंघमले १९औ मिनेटमा गोल गर्दै खेल बराबरीमा ल्याएका थिए । डानी कार्भाहालले गरेको क्रसमा टोनी क्रुसले गरेको हेडर बेलिंघमको सामु आएपछि उनले बललाई सहजै गोलको दिशा देखाएका थिए ।

पहिलो हाफको इन्जुरी समयमा क्रुसले गरेको गोल फाउल करार भएपछि रियल अग्रता लिन बाट चुक्यो । तर खेलको ६०औ मिनेटमा क्रुसकै क्रसमा हेडरमार्फत गोल गर्दै बेलिंघमले रियललाई अग्रता दिलाए । त्यसपश्चात खेलको ७३औं मिनेटमा बेलिंघमको पासमा भिनिसियसले गोल गर्दै अग्रता दोब्बर पार्दै जित सुनिश्चित गरे ।

यस खेलमा गोल गरेसंगै बेलिंघमले आफ्नो नयाँ क्लबका लागि पहिलो दुई खेलमै गोल गरेका छन् । उनी रियलका लागि पहिलो दुई खेलमा गोल गर्ने क्रिस्टियानो रोनाल्डो पछिका पहिलो खेलाडी बनेका छन्। यो रियलको यस सिजनको लगातार दोस्रो जित हो ।

सिजनको पहिलो खेलमा रियलले एथ्लेटिक बिलबाओ लाई २-० ले हराएको थियो । उता अल्मेरियाको भने यो लगातार दोस्रो हार हो । अल्मेरिया पछिल्लो खेलमा रायो भालेकानो संग २-० ले पराजित भएको थियो ।

ला लिगामा आइतबार राति ११:१५ बजे रियलको चिर प्रतिद्वन्दी बार्सिलोनाले काडिजको सामना गर्ने छ।

May 27, 2024

योर गेम इज नट फेयर प्ले

सन्जोग चाम्लिङ राई पहेँलो रंगको पृष्ठभूमिगाढा निलो अक्षर । मैदानमासबैभन्दा पहिले छिर्छएउटा चारकुने झण्डालेखिएको हुन्छ –“माई गेम इज फेयर प्ले” । मैदानको वारी छन्“भिटामिन डी” को रापमारापिएका दर्शकहरु ,पारी देखिन्छछहारीमा सुकला गरी रहेको एन्फाखेल्दै छन् मैदानमाभोको पेट र काँचका सपनाहरु । अचम्मको पोको हो एन्फाफुटबल नबोल्नुउसको गला होफुटबल नखेल्नुउसको कला हो । बहुमतको बिसौलीमाउ मात्तिन्छचौरास्ताको […]

May 27, 2024

जितका साथ बार्सिलोनामा जाभीको बिदाई

एजेन्सी – जितका साथ जाभी हर्नान्डेजले बार्सिलोनाको प्रशिक्षण यात्राको अन्त्य गरेका छन् । स्पेनिस ला लिगामा आफ्नो अन्तिम खेलमा आइतबार बार्सिलोना सेभियालाई २–१ ले हराएको हो । बार्सिलोनाका लागि रोबर्ट लेवान्डोस्की र फर्मिन लोपेजले गोल गरे । सेभियाका लागि एन नेसिरीले गोल गरे । खेलको समाप्तीपछि बार्सिलोनाका खेलाडीले जाभीलाई बिदाइ गरे । बार्सिलोनाले यसअघि नै […]

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

Success

Thank you for your time.