पोखरा(हाम्रो खेलकुद) – आगामी माघ ४ देखी पोखारा रङगशालामा सुरु हुने १५औ आहा ! रारा गोल्ड कपको पहिलो खेलमा आयोजक साहारा र सुदूरपश्चिम भिड्ने छन ।
१२ टोली समावेश रहेको प्रतियोगिताको फाइनल खेल माघ १५ मा हुनेछ । अघिल्लो संस्करणझै बिजेताले ५,०१,००१ रुपैया पाउने छ भने उप बिजेताले २,५१,००१ प्राप्त गर्नेछ । प्रतियोगितको प्री – क्वाटर फाइनल खेलहरुमा टिकट दर रू ६० , क्वाटर्फाइनल र सेमिफाइनलमा गरेर ६ खेलमा १२० र फाइनल खेलमा १५० तोकिएको छ ।
प्रतियोगिताको मुख्य प्रायोजक आहा तथा रारा चाउचाउ हो भने माईक्रो म्यास्क मोबाइल र रेडबुल उप प्रायोजक तथा नेपाल टेलिकम सह उप प्रायोजक हो ।
आयोजक साहारा क्लब पोखरा , सुदूरपश्चिम ११ , धरान फुटबल क्लब , एपिएफ , एएनए युएसए फुटबल टिम , रमपम झापा ११ , संकटा क्लब , नेपाल पुलिस क्लब , युनाइटेड सिकिम फुटबल क्लबा (भारत), लक्ष्मी ह्युन्डाइ मनाङ मर्स्याङ्दी क्लब , त्रिभुवन आर्मी क्लब , फारसगंज (बाङ्लादेश) गरेर १२ टोली समावेश हुनेछन ।
प्रतियोगिताको साबिक बिजेता मनाङ मर्स्याङ्दी क्लब हो । मनाङले त्रिभुवन आर्मीलाई १-० ले हराउदै १४औ संस्करणको उपाधी हात पारेको थियो ।
