default_image

11 months ago

August 24, 2023

नेयमारको क्लब च्याम्पियन्स लिग खेल्न भारत जाने

2644 views

0 Bookmark

एजेन्सी – विश्वप्रसिद्ध फुटबलर नेयमार सम्मिलित साउदी अरेबियन क्लब अल-हिलाल एसियाली च्याम्पियन्स लिग खेल्न भारत जाने भएको छ ।

अल-हिलाल र मुम्बई सिटी एफसी एसियाली च्याम्पियन्स लिगको समूह ‘डी’ मा परेसँगै नेयमार भारत जाने संयोग जुरेको हो । यसै साता अल हिलाल पुगेका नेयमार चोटसँग जुधिरहेका छन् । उनी केही सातामा ठिक हुने अनुमान छ ।

विश्व फुटबलमा आफ्नो पकड बनाउने उद्देश्यका साथ साउदी अरेबियाका क्लबहरुले विश्वप्रसिद्ध खेलाडीहरू भित्र्याइरहेका छन् । यसै सिजनका मात्र अल-हिलालले नेयमारसहित स्टार खेलाडी भित्र्याएको हो ।

नेयमार बाहेक पोर्चुगिज मिडफिल्डर रुबेन नेभेस, सेनेगलका डिफेन्डर कालिद कुलिबाली, मोरोक्कोका गोलरक्षक यासिन बोनो, सर्वियन मिडफिल्डर सर्गे मिलिन्कोभिच-साभिच लगायतका विभिन्न युरोपेली क्लबहरुमा राम्रो प्रदर्शन गरेका खेलाडीहरू अल-हिलालले भित्र्याएको छ । फुलहमबाट फरवार्ड एलेक्जेन्डर मित्रोभिच पनि अल हिलाल पुगेका छन् ।

बिहीबार मलेसियाको राजधानी क्वाललम्पुरमा स्थित एफसी हाउसमा भएको समूह चरण को’ड्रमा ग्रुप ‘डी’ मा यी दुई टोली लगायत उज्बेकिस्तानको नभबाहोर र इरानको नस्सजी माजनडरन रहेका छन् ।

मुम्बईले गत सिजन इन्डियन सुपर लिगको गत सिजन लिग चरणको शीर्ष स्थान हासिल गर्दै यस सिजनको महादेशीय प्रतियोगतामा आफ्नो स्थान सुरक्षित गरेको हो । मुम्बई सिटी एफसी सिटी फुटबल ग्रुप अन्तर्गत पर्दछ । सिटी फुटबल ग्रुपको स्वामित्वमा म्यानचेस्टर सिटी, न्यू योर्क सिटी एफसी, मेलबर्न सिटी एफसी जस्ता धेरै क्लबहरू पर्ने गर्दछन् ।

यस सिजनको च्याम्पियन्स लिग सेप्टेम्बरमा सुरु हुँदैछ। क्रिस्टियानो रोनाल्डो सम्मिलित अल-नसार पनि मंगलबार मात्र यस सिजनको च्याम्पियन्स लिग खेल्ने पक्का भएको थियो । युएईको शबाब अल-अहलीलाई प्लेअफमा ४-२ ले हराउदै अल – नसारले च्याम्पियन्स लिगको यात्रा तय गरेको हो । अल-हिलाल भने गत सिजनको किङ्ग कपको उपाधि जित्दै आफ्नो स्थान सुरक्षित गरेको थियो ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.