default_image

10 months ago

August 26, 2023

म्यानचेस्टर युनाइटेडको पुनरागमन जित

1246 views

0 Bookmark

एजेन्सी – म्यानचेस्टर युनाइटेडले खेलमा पछि परेको अवस्था उल्ट्याउँदै इंग्लिस प्रिमियर लिगमा जित दर्ता गरेको छ ।

दुई गोलले पछि परेको अवस्था उल्ट्याउँदै म्यानचेस्टर युनाइटेडले १० खेलाडीमा सिमित नटिङघम फरेस्टलाई ३-२ ले पराजित गर्दा आर्सनलले १० जनामा सिमित फुलहमसँग २-२ को बराबरी खेल्यो ।

म्यानचेस्टर युनाइटेडको जितमा क्रिस्टियन एरिक्सन, क्यासेमिरो र ब्रुनो फर्नान्डेसले गोल गरे भने फरेस्टमा लागि ताइवो अवोनियी र विली बोलीले १-१ गोल गरे ।

म्यानचेस्टर युनाइटेडले खेलको पहिलो चार मिनेट भित्र नै दुई गोल खान पुगेको थियो । खेलको दोस्रो मिनेटमा नै फरेस्टका ताइवो अवोनियीले काउन्टर अट्याकमा युनाइटेड गोलरक्षक आन्द्रे ओनानालाई परास्त पारेका थिए । त्यसको दुई मिनेट पश्चात विली बोलीले हेड मार्फत गोल गर्दै फरेस्टलाई २-० को अग्रता दिलाए ।

तर युनाइटेड त्यसपछि तीन गोल फर्काउदै खेलमा जीत निकाल्न सफल भयो । खेलको १७औं मिनेटमा मार्कस रासफर्डको असिस्टमा क्रिस्टियन एरिक्सनले गोल गर्दै खेलमा फर्काए । दोस्रो हाफको सातौं मिनेटमा क्यासेमिरोले फर्नान्डेसको पासमा सहज गोल गर्दै खेललाई बराबरीमा ल्याए ।

६७ औं मिनेटमा फरेस्टका जो वोरल रातो कार्ड खाँदै मैदानबाट बाहिरिएका थिए । त्यसपछि फरेस्टले खेलमा लय गुमाउन थाल्यो । फरेस्टका ड्यानिलोले रासफर्डलागि डी-बक्स भित्र फाउल गरेपछि युनाइटेडले पेनाल्टीमा अवसर प्राप्त गरेको थियो । फर्नान्डेसले उक्त पेनाल्टीमा गोल गर्दै आफ्नो टिमलाई अग्रता दिलाएका थिए। अन्त्यमा त्यही गोल जीतका लागि पर्याप्त रह्यो ।

जितपछि युनाइटेडको तीन खेलमा दुई जीत र एक हार सँगै ६ अंक पुगेको छ भने फरेस्टको समान खेलमा तीन अंक रहेको छ ।

त्यस्तै अर्को खेल्न आर्सनलले फूलहमसँग २-२ को बराबरी खेल्दा वुल्भ्सले एभर्टनलाई ८७औं मिनेटमा एकमात्र गोल गर्दै हरायो । सासा कालाजेजीचले गोल गर्दै वुल्भ्सलाई तीन अंक दिलाएका हुन् । वुल्भ्सले सिजनको पहिलो अंक जोड्दा एभर्टन भने अंकविहिन रहेको छ।

आज भएको पाँचौं खेल्न ब्रेन्टफर्ड र क्रिस्टल प्यालेसले १-१ गोलको बराबरी गर्दै अंक बाँडे । ब्रेन्टफर्डका लागि केभिन शाडले गोल गरे भने प्यालेसको लागि ज्वाकीम एन्डरसनले गोल गरे ।

आज भएको पहिलो खेलमा टोटेनहमले बर्नमाउथलाई २-० ले हराएको थियो । आजै राति १०:१५ बजे ब्राइटनले वेस्ट ह्यामको समान गर्दैछ ।

June 16, 2024

स्पेन र इटालीको जित

एजेन्सी – युरो कप २०२४ को समूह ‘बी’ मा स्पेन र इटाली विजयी भएका छन् । शनिबार भएका दुई अलग खेलमा स्पेन र इटलीले जित हासिल गरेका हुन् । स्पेनले बलियो मानिएको क्रोएसिया लाई ३-० को सहज अन्तरले हरायो । पहिलो हाफमा नै ३ गोल गरेपछि क्रोएसिया खेलमा फर्कन सकेन । २९औं मिनेटमा कप्तान अल्भारो […]

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

Success

Thank you for your time.