लन्डन (एजेन्सी) – चेल्सीका प्रशिक्षक एन्टोनियो कोन्टेसंग खटपट परेपछि टोलीबाट हटाईएका ब्राजिलियन स्ट्राइकर डिएगो कोष्टाले आज चेल्सीको प्रशिक्षण मैदान कब्ह्याममा एक्लै प्रशिक्षण गरेका छन्।
चिनबाट ठुलो रकमको प्रस्ताव आएपश्चात कोष्टा र कोन्टेबीच खटपट परेको थियो र त्यसकै फलस्वरूप प्रशिक्षक कोन्टेले स्ट्राइकरलाइ लेष्टरविरुद्धको खेलमा टोलीमा राखेका थिएनन्। हालपनि मुख्य टोलीसंग प्रशिक्षण गर्न नदिइएकोले कोष्टाले आफु एक्लै प्रशिक्षणमा उत्रिएका थिए।
सोमबार बिहान पानी परिरहेको अवस्थामा उनलाई चेल्सीका एक प्रशिक्षकले प्रशिक्षण अवधिभर हेरेका थिए। डिएगो आफैंले बल बोकेर आएका थिए र फ्रिकिकको लागि वाल पनि आफैं सारेका थिए।
यसैबीच चेल्सीका मालिक रोमन अब्रामोविचले भने स्ट्राइकर डिएगोलाई प्रशिक्षकसंग माफी मागेर टोलीमा फर्किन निर्देशन दिएका छन्। यस बिषयमा कोन्टे र कोष्टाले भने केहि प्रतिक्रिया दिएका छैनन्।
