एजेन्सी – युइएफ यूरो २०२४ छनोटको आआफ्नो खेलमा गएराति स्पेन र पोर्चुगलले जित दर्ता गरेका छन् । स्पेनले जर्जियालाई ७-१ को फराकिलो अन्तरले पराजित गर्यो भने पोर्चुगलले स्लोभाकिया सँग १-० को संघर्षपूर्ण जित निकाल्यो ।

स्पेनको जितमा कप्तान अल्भारो मोराटाले ह्याट्रिक प्रहार गर्दा ड्यानी ओल्मो, निको विलियमस र लामिन यमालले समान एक एक गोल गरे भने एक गोल स्पेनले आत्मघाती गोलको रूपमा उपहार पाएको थियो ।

यस्तै गोल गरेका यमालले स्पेनका लागि सबै भन्दा कम उमेरमा गोल गर्ने रेकर्ड बनाए । बार्सिलोनाका १६ वर्षीय यी खेलाडीले बार्सिलोनाका कै गाभीको नाममा रहेको यो कीर्तिमान तोडेका हुन् । उनी केही दिन अगाडि मात्र कुनै पनि सिनियर फुटबल टोलीका लागि खेलेका थिए ।

समूह ए मा रहेको स्पेन तीन खेलमा छ अंकका साथ दोस्रो स्थानमा छ । स्कटल्याण्ड पाँच खेल्न १५ अंकका साथ शीर्ष स्थानमा छ ।

यस्तै अर्को खेलमा पोर्चुगलले स्लोभाकियालाई ब्रुनो फरनान्डेज को एकमात्र गोलको मद्दतले हराएको छ । यस्तै खेलमा पहेँलो कार्ड पाएका कारण क्रिस्टियानो रोनाल्डोले भने अर्को खेल गुमाउने छन् ।

पोर्चुगल पाँच खेलमा पाँच जित सहित समूहको शीर्ष स्थानमा छ । पराजित स्लोभाकिया १० अंक सहित दोस्रो स्थानमा छ ।