पोखरा (हाम्रो खेलकुद)– अफ्रिकिन मुलका खेलाडी मार्टिनको २ गोलसँगै आयोजक सहारा गोल्डकप सुदूरपश्चिमाञ्चल ११ स्पोर्टिङ क्लबलाई ४–० ले हराउँदै आहा रारा गोल्ड कप फुटबल प्रतियोगिताको क्वार्टरफाइनलमा पुगेको छ । सहाराले माघ ८ गते भारतको सिक्किम युनाइटेडसँग अन्तिम चार प्रवेशका लागि प्रतिस्पर्धा गर्नेछ ।

पोखरा रंगशालामा मंगलबार मार्टिनले छैटौं मिनेटमा गोल गर्दै साहारालाई अग्रता दिलाएका थिए । उनले वान भर्सेस वानमा गोल गरेका थिए । १२ औं संस्करणको विजेता सहराका अलागि २७ औं मिनेटमा रिटार्ड पुनले अर्को गोल थपेका थिए । क्रसमा आएको बल छातीले नियन्त्रणमा लिदै भलीमा गोल गरेका थिए । ३८ औं मिनेटमा पेनाल्टी बक्समा विपक्षी एक रक्षकलाई छलाएर पिटर सेगुनले गोल गरेका थिए ।

खेल सकिन ८ मिनेट बाँकी रहँदा मार्टिनले शिव सुवेदीको पासमा मार्टिनले अर्को गोल थपेका थिए । सुदूरपश्चिमले कुनै पनि समय खेलमा घरेलु टोलीलाई दबाब दिन सकेन र पहिलो खेलबाट टोली प्रतियोगितबाट बाहिरिएको छ । मार्टिन खेलको म्यान अफ दी म्याच घोषित भएका थिए । सहाराका प्रशिक्षक किरण श्रेष्ठले सुरुआतमै गोल गर्न सकेका कारण जित सहज भएको बताएका छन् ।

आहा रारा गोल्ड कपमा बुधबारको खेल
एपिएफविरुद्ध धरान फुटबल क्लब