काठमाडौं (हाम्रोखेलकुद) – उमेर समूहको साफ यु-१९ च्याम्पियनशिप आजदेखि काठमाडौंमा सुरु हुँदैछ । घरेलु टोली नेपालले आज पाकिस्तानसँग खेल्दैछ । पाकिस्तानले पहिलो पटक उमेर समूहमा सहभागिता जनाउँदै छ ।

नेपाल र पाकिस्तानबीचको खेल नेपाली समय अनुसार बेलुका ५ः३० बजे दशरथ रंगशालामा सुरु हुने छ।सन् २०१५ र २०१७ को विजेता नेपाल यसपाली पनि घरेलु भूमिमा उपाधि उचाल्न चाहन्छ।

यस्तै प्रतियोगिताको उद्घाटन खेलमा भने भारत र बंगलादेश भिड्दै छन् । भारत र बंगलादेशबीचको खेल दिउँसो १ः३० बजे दशरथ रंगशाला मै हुने छ। भारतले पछिल्लो संस्करण सहित दुई पटक यो प्रतिगोगिता जितेको छ। अरु कुनै साफ राष्ट्रले अहिलेसम्म उपाधि हात पार्ने सकेको छैनन्।

नेपाल रहेको समूह ‘ए’ मा माल्दिभ्स र पाकिस्तान छन् भने समूह ‘बी’ मा भारत, भुटान र बंगलादेश छन् । दुवै समूहका शीर्ष दुई टोलीले सेमिफाइनलमा प्रतिस्पर्धा गर्नेछन् ।

२३ सदस्यीय नेपाली टोली :

गोलकिपर – जियारत शेख, रविन बोगटी, अमित तामाङ

डिफेन्डर – सेमन्ता थापा, विशाल नेपाली, विक्रम तामाङ, आयुष तिम्सिना, आश्विन घोरासाइने, दीपक थापा मगर, निशाङ पाराङडेन (लिम्बु), गौरव महर्जन

मिडफिल्डर – कुशल देउला, लक्षु थापा, प्रशान्त लक्षम, अभिनाश स्याङ्तान, अनिल भोम्जन, धनसिंह बिके, हरिशराज भट्ट, नेल्सन तामाङ

फरवार्ड – समिर तामाङ, निराजन धामी, सुजन डंगोल, सिद्धार्थ अधिकार

प्रशिक्षक- सुनिल श्रेष्ठ