default_image

9 months ago

September 21, 2023

जियारथको उत्कृष्ट प्रदर्शनमा पहिलो हाफ गोलरहित बराबरी

1452 views

0 Bookmark

काठमाडौं (हाम्रो खेलकुद) – कप्तान तथा गोलरक्षक जियारथ शेखको उत्कृष्ट प्रदर्शनमा साफ यू-१९ च्याम्पियनसिप अन्तर्गत समूह ए को पहिलो खेलमा नेपाल र पाकिस्तानबीचको पहिलो हाफ गोलरहीत बराबरीमा सकिएको छ । दशरथ रंगशालामा दुवै टोलीले ४५ औं मिनेटको अन्तरालमा गोलका अवसरहरूको सदुपयोग गर्न नसक्दा पहिलो हाफको खेल गोलरहीत बराबरीमा सकिएको छ ।

पहिलो हाफमा गोल गर्न नसकेपनि पाकिस्तानको दबदबा रह्यो । पाकिस्तानले नेपाल भन्दा बढी अवसरहरू सृजना गरेको थियो। तर नेपालका गोलरक्षक र कप्तान जियारथ शेखले उत्कृष्ट बचाउका साथ नेपाललाई गोल खानबाट बचाएका थिए ।

११ औं मिनेटमा नेपाली फरवार्ड समीर तामाङले बक्स भित्रबाट गरेको प्रहार पोस्ट केही माथिबाट बाहिरिएको थियो । १४ औं मिनेटमा पाकिस्तानी फरवार्ड मोहम्मद आदिलको प्रहारले पोस्टको दिशा लिन सकेन।

२७ औं मिनेटमा शाह जहांनको फ्रि(किक नेपालका गोलरक्षक जियारथ शेखले उत्कृष्ट बचाउ गर्दै पोस्ट बाहिर फालिदिएका थिए ।

३३औं मिनेटमा पाकिस्तानले केही सेकेन्डमै दुई ओटा अवसर पयो। मोहम्मद आदिलको प्रहार शेखले बचाएपछि मोहम्मद हरूनले पाएको मौकामा बललाई पोस्ट भन्दा माथि प्रहार गरेका थिए ।

त्यसको एक मिनेट पछि नै आदिलले वान भर्सेस वानको अवसरमा गोल गर्नबाट चुकेका थिए । उनको अगाडि गोलकिपर शेख मात्र थिए तर उनको प्रहार पोस्टभन्दा केही टाढाबाट बाहिरियो।

४०औं मिनेटमा शाह जहांनको लामो दुरीबाट लिएको प्रहारमा पनि शेखले राम्रो बचाउ गरे। ४५ औं मिनेटमा मोहम्मद हरुनको बक्स भित्रबाट लिएको प्रहार पोस्टको केही माथिबाट बाहिरियो। प्रतियोगिताको उद्घाटन खेलमा भारतले बंगलादेशलाई ३-० ले हराएको थियो।

June 20, 2024

जर्मनी युरो कपको अन्तिम १६ मा पुग्ने पहिलो टोली

एजेन्सी – आयोजक जर्मनी युरो कप २०२४ को अन्तिम १६ मा पुग्ने पहिलो टोली बनेको छ । बुधवार भएको समूह चरणको आफ्नो दोस्रो खेलमा हंगेरी माथि २-० को जित दर्ता गर्दै जर्मनी दोस्रो चरणमा प्रवेश गरेको हो । जर्मनीका लागि जमाल मुसियाला र इलकाय गुन्डोगानले समान १-१ गोल गरे । २२औं मिनेटमा गुन्डोगानकै पासमा गोल […]

June 19, 2024

अल्बानिया र क्रोएसियाको रोमाञ्चक बराबरी

एजेन्सी – हारको संघारमा रहेको अवस्थामा अन्तिम समयमा गोल गर्दै अल्बानियाले क्रोएसिया विरुद्ध यूरो कप २०२४ मा रोमाञ्चक बराबरी खेलेको छ । समूह बी अन्तर्गत आ-आफ्ना दोस्रो खेलमा अल्बानिया र क्रोएसियाले २-२ को बराबरी खेलेका हुन् । खेलको सुरुवाती समयमा नै अग्रता लिएको अल्बानियाले दोस्रो हाफमा दुई मिनेटको अन्तरालमा दुई गोल खाँदै पछि पर्न पुगेको […]

June 19, 2024

डलासमा एनएसटी किड्स समर क्याम्प सुरु 

डलास (हाम्रो खेलकुद) – रुम्बा एकेडेमी र डिएफडब्लु हिमालयको सहकार्यमा एनएसटी किड्स समर क्याम्पले ४ देखि १५ वर्षका बालबालिकाहरूका लागि एक महिना लामो फुटबल प्रशिक्षण कार्यक्रम औपचारिक रूपमा सुरु गरेको छ। हरेक आइतबार र मंगलबारदेखि बेलुका ४:३० बजे देखि दिनको १ घण्टा यो पहलले समुदायमा नेपाली बालबालिका र युवाहरूको फुटबल कौशललाई प्रेरित गर्ने र विकास गर्ने […]

Success

Thank you for your time.