1 year ago
September 21, 2023
काठमाडौं(हाम्रो खेलकुद) – घरेलु टोली नेपाल साफ यू-१९ च्याम्पियनसिप अन्तर्गत समूह ए को पहिलो खेलमा पाकिस्तानसँग पराजित भएको छ । दशरथ रंगशालामा भएको खेलमा नेपाल पाकिस्तानसँग १-० को गोल अन्तरले पराजित भएको हो । पाकिस्तानी मिडफिल्डर अली जफरको उत्कृष्ट गोलको मद्दतले पाकिस्तानले महत्वपूर्ण ३ अंक जोडेको छ ।
खेलमा नेपालको प्रदर्शन सोचेजस्तो राम्रो हुन सकेन । नेपालको आक्रामण खेल पुरै समय नै फितलो रह्यो । उता पाकिस्तानले भने धेरै अवसरहरु सृजना गरको थियो। पहिलो हाफमा पाकिस्तानको दबदबामा राखेपनि गोल गर्न सकेको थिएन ।
पाकिस्तानले नेपाल भन्दा बढी अवसरहरू सृजना गर्दै घरेलु टोली नेपाललाई निरन्तर दबाबमा राखेको थियो । तर नेपालका गोलरक्षक र कप्तान जियारथ शेखले पाकिस्तानलाई गोल गर्नबाट निरन्तर रोकेका थिए ।
११ औं मिनेटमा नेपाली फरवार्ड समीर तामाङले बक्स भित्र बाट गरेको प्रहार पोस्ट केही माथिबाट बाहिरियो । १४औं मिनेटमा पाकिस्तानी फरवार्ड मोहम्मद आदिलको प्रहारले पोस्टको दिशा लिन सकेन । २७औं मिनेटमा शाह जहांनको फ्रि-किक नेपालका गोलरक्षक जियारथ शेखले उत्कृष्ट बचाउ गर्दै पोस्ट बाहिर फालिदिए।
३३औं मिनेटमा पाकिस्तानले केही सेकेन्डमै दुई ओटा अवसर पायो। मोहम्मद आदिलको प्रहार शेखले बचाएपछि मोहम्मद हरूनले पाएको मौकामा बललाई पोस्ट भन्दा माथि प्रहार गरे।
त्यसको एक मिनेट पछि नै आदिलले वान भर्सेस वानको अवसर खेरा फाले। उनको अगाडि गोलकिपर शेख मात्र थिए तर उनको प्रहार पोस्टभन्दा केही टाढाबाट बाहिरियो। ४०औं मिनेटमा शाह जहांनको लामो दुरीबाट लिएको प्रहारमा पनि शेखले राम्रो बचाउ गरे।
४५औं मिनेटमा मोहम्मद हरुनको बक्स भित्रबाट लिएको प्रहार पोस्टको केही माथिबाट बाहिरियो। ५३औं मिनेटमा नेपालका दीपक थापा मगरको हेडरले पोस्टको दिशा लिन सकेन।
७६औं मिनेटमा पाकिस्तानले खेलमा अग्रता लियो। अलि जफरले लामो दुरीबाट गरेको प्रहारले जियारथ शेखको पहुँचभन्दा टाढा टप कर्नरमा जाली चुमेको थियो। अन्त्यमा त्यही गोल जितका लागि पर्याप्त भयो। थपिएको समयको पहिलो मिनेटमा आयुष तिम्सिनाको लामो दूरीको प्रहार नै नेपालको बराबरी गर्ने एकमात्र अवसर रहन पुग्यो।
नेपालको आएको खेल माल्दिभ्ससँग सेप्टेम्बर २५ मा हुनेछ। त्यसअघि माल्दिभ्सले सेप्टेम्बर २३मा पाकिस्तानको सामना गर्ने छ। समूह बी अन्तर्गत यस अघि प्रतियोगिताको उद्घाटन खेलमा भारतले बंगलादेशलाई ३-० ले हराएको थियो। यस समूहमा भारत र बंगलादेश बाहेक भुटान रहेको छ। दुवै समूहका शीर्ष दुई टोलीले सेमिफाइनलको यात्रा तय गर्ने छन्।
October 25, 2024
पोखरा (हाम्रो खेलकुद)- आहा ! रारा पोखरा गोल्ड कप फुटबल प्रतियोगिताको २४ औं संस्करणको मिति तय भएको छ । सहारा क्लब पोखराले निरन्तर आयोजना गर्दै आएको आहा गोल्डकप यो वर्ष माघ २२ देखि फागुन ३ गते सम्म हुने भएको छ। पोखरा रंगशालामा हुने प्रतियोगिताको समय तालिकाका लागि आयोजकको अनुरोधमा कास्की जिल्ला फुटबल संघले अखिल नेपाल […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकालाई हराएको छ । दशरथ रंगशालामा सम्पन्न खेलमा नेपालले श्रीलंकामाथि ६-० को जित निकाल्दै समूह विजेता बन्न सफल भयो । नेपालका लागि रेखा पौडेलले २ गोल गर्दा सावित्रा भण्डारी साम्बा, रश्मीकुमारी घिसिङ, सविता राना मगर र अमिषा कार्कीले १-१ गोल गरे […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकासँग खेलिरहेको छ । पहिलो हाफमा नेपाल ४-० ले अघि छ । सुरुवाती मिनेटदेखि आक्रमण बुनेको नेपालले पहिलो हाफ अवधिभर श्रीलंकालाई दबाबमा राखेको छ । सावित्रा भण्डारी साम्बाले पहिलो रोजाइमा खेल्दै उच्च प्रदर्शन गरेकी छिन् । उनले नेपालले गरेको ४ गोलमा […]