काठमाडौँ (हाम्रो खेलकुद) – राष्ट्रिय फुटबल टोलीका पूर्व कप्तान उमेन्द्रमान सिंह र बालगोपाल महर्जनसहित पूर्व खेलाडी सम्मिलित सिएमजी क्लब भेट्रान टोलीले भारतको कोलकातामा आयोजना हुने ‘आठौ कलकता भेट्रान अन्तराष्ट्रिय आमन्त्रण सकर च्यालेन्ज’ भाग लिने भएको छ । प्रतियोगितमा भाग लिन २१ सदस्यीय टोली बुधबार त्यसतर्फ प्रस्थान गरेको छ ।

युनाइटेड भेट्रान कोलकाताको आयोजनमा हुने प्रतियोगिता जनवरी २१ देखी २३ सम्म कलकतास्थित हरिनाबी स्पोर्टीङ्ग क्लबको मैदानमा हुनेछ । प्रतियोगितामा विभिन्न देशका ८ भेट्रान क्लबले सहभागिता रहने बताइएको छ । सिएमजी क्लबबाट खेल्ने अधिकांश खेलाडी नेपाली राष्ट्रिय फुटबल टोलीका पूर्व खेलाडी छन् ।

पूर्व राष्ट्रिय खेलाडी राजेश मानन्धरको कप्तानीमा रहेको टोलीमा उपेन्द्रमान सिहं, बालगोपालसहित राकेश थापा, चेतनारायण श्रेष्ठ,सौगेश श्रेष्ठ, राजन नेपाली, नरेन्द्र श्रेष्ठ र राजु सिंह महर्जन रहेका छन् । त्यस्तै विजय श्रेष्ठ, अमिर डंगोल, हरिओम श्रेष्ठ,कल्याण खड्की, प्रकाश बैद्य र लक्ष्मण श्रेष्ठ रहेका छन् ।

टोलीको प्रशिक्षकमा जय कृष्ण श्रेष्ठ,रविन्द्र खड्की व्यवस्थापक रहेको छन् । संगारत्न महर्जन, अष्ट कुमार कवे र राजेश जोशी टोलीको अफिलिसयका रुप्मा रहेका छन् । सिएमजी भेट्रान टोलीलाई पुर्व राष्ट्रिय खेलाडी तथा प्रहरी महानिरीक्षक अच्युत कृष्ण खरेल, सिएमजी ग्रुपका प्रबन्ध निर्देशक महेश प्रधान, अखिल नेपाल फुटबल संघ एन्फाका सीइओ इन्द्रमान तुलाधर र राष्ट्रिय तथा अन्तर्राष्ट्रिय खेलाडी संघका अध्यक्ष तथा कीर्तिमानी तेक्वान्दो खेलाडी दिपक बिष्टलगायतले बिदाई गरे ।