काठमाडौं (हाम्रो खेलकुद) – नेपाली यू१९ टोलीका मुख्य प्रशिक्षक सुनिल कुमार श्रेष्ठले साफ यू१९ च्याम्पियनसिपमा माल्दिभ्समाथिको सानदार जित अपेक्षा अनुसार भएको बताएका छन् । माल्दिभ्सलाई ४-१ गोल अन्तरले हराउँदै नेपालले समूह ए को उपविजेताको रुपमा सेमिफाइनलमा स्थान बनाएको छ ।

जितपछि उनले नतिजा अपेक्षा अनुसार भएको बताएका छन् । ‘आजको खेल हामीलाई गर वा मरको अवस्थाको थियो । खेलाडीहरुले गरेको मिहिनेत अनुसार नतिजा आएको छ । अर्को खेललाई पनि हामी मिहिनेत गर्नेछौं’, जितपछि श्रेष्ठले भने ।

नेपालले सेमिफाइनलमा पुग्न निर्णायक खेलमा माल्दिभ्सलाई ४-०ले हराएको थियो । पहिलो खेलमा नेपाल पाकिस्तानसँग १(० ले पराजित भएको थियो । प्रशिक्षक श्रेष्ठले अपेक्षा अनुसार नै नतिजा आएको बताएका छन् ।

नतिजा अपेक्षा गरे अनुसार नै आएको हो । हामीलाई १-० भएको भए पनि पुग्ने थियो । हामीलाई जसरी पनि आजको खेल जित्नुपर्ने अवस्था थियो । त्यो कुरालाई हामीले ध्यानमा राखेर खेल्यौं । अस्ति माल्दिभ्सको खेल हरेर विश्लेषण गर्न पाउँदा हामीलाई फाइदा पनि भयो’, उनले भने ।

खेलमा दुबै टोलीका खेलाडीले अनुशासन देखाउन सकेनन् । लगातार दुबै टोलीका खेलाडी झगडा गरेका थिए । ३४ औं मिनेटमा नेपालका सुजन डंगोल र माल्दिभ्सका कप्तान मोहम्मद हसन दुबैले रातो कार्ड पाएका थिए ।

दोस्रो गोलपछि नेपालका सुजनले माल्दिभ्सका कप्तान हसनलाई अफ बलमा धकलेका थिए । त्यसपछि हसन उठेर जंगिएपछि दुबै खेलाडीले रातो कार्ड खाएका थिए ।

प्रशिक्षक श्रेष्ठले सुरुवात देखीनै अनुशासनमा राख्न खोजेको बताए । ‘अनुशासनमा हामी सुरुवात देखीनै एकदमै ध्यान दिएका थियौं । खेल र अनुशासन नभएको मान्छेलाई हामी खेलमा राख्न सकिदैन । हामीले अनावश्यक रुपमा रातो कार्ड पाएका हौं । त्यो हाम्रो मात्रै गल्ती होईन । माल्दिभ्सले सुरुवात देखीनै बढी एक्सनमा आएर हामीलाई बढी दबाबमा राख्न खोजेको थियो । त्यो कन्डिसनले हामीले रेड कार्ड खाएको हो’, उनले भने ।

समूह ए बाट पाकिस्तान २ खेलमा ४ अंकका साथ शीर्ष स्थानमा रह्यो । नेपाल २ खेलमा ३ अंकका साथ दोस्रो स्थानमा रह्यो । नेपालले सेमिफाइनलमा समूह बी को उपविजेतासँग खेल्नेछ । भुटान र भारतबीचको खेल दथरथ रंगशालामा जारी छ । उक्त खेलमा हार्ने टोलीले सेमिफाइनलमा नेपालसँग खेल्नेछ ।

पूरा भिडियो हेर्नुहोस् :