1 year ago
September 25, 2023
काठमाडौं (हाम्रो खेलकुद) – नेपालमा जारी साफ यू-१९ च्याम्पियनसिपमा समूह चरणको अन्तिम खेलमा भारतले भुटानलाई हराउँदै सेमिफाइनलमा स्थान बनाएको छ । दशरथ रंगशालामा भएको समूह बी को अन्तिम खेलमा भुटानमाथि २-१ को पूनरागमन जितसँगै भारत समूह बी को विजेता बन्दै सेमिफाइनलमा प्रवेश गरेको छ।
भारतको जितमा गुगमसार गोयारी र रिकि हाओबामले समान एक एक गोल गरे । भुटानका लागि भने जिग्ने नामग्येलले एक गोल गरेपनि जित निकाल्न पर्याप्त भएन । खेलमा भुटानले अग्रता लिएपनि जोगाउन सकेको थिएन । जिग्मे नामग्येलले खेलको २० औं मिनेटमा गोल गर्दै भुटानलाई अग्रता दिलाएका थिए ।
तर भारतले अन्त्यमा जित निकाल्न सफल भयो । भारतका लागि गुगमसार गोयारीले ३६ औं मिनेटमा बराबरी गरेका थिए । ६४ औं मिनेटमा रिकि हाओबामले गोल गर्दै अग्रता दिलाए । अन्त्यमा त्यही गोल जीतका लागि पर्याप्त भयो।
हारका बाबजुत भुटान समूह उपविजेता बन्दै सेमिफाइनलमा प्रवेश गरेको छ। भुटानले पहिलो खेलमा बंगलादेशलाई ४(३ ले हराएको थियो।
भुटानले अब सेमिफाइनलमा पाकिस्तानसँग खेल्ने छ। भारतले भने नेपालको सामना गर्ने छ। दुवै सेमिफाइनल बुधबार हुने छन्। फाइनल शनिबार हुनेछ ।
October 25, 2024
पोखरा (हाम्रो खेलकुद)- आहा ! रारा पोखरा गोल्ड कप फुटबल प्रतियोगिताको २४ औं संस्करणको मिति तय भएको छ । सहारा क्लब पोखराले निरन्तर आयोजना गर्दै आएको आहा गोल्डकप यो वर्ष माघ २२ देखि फागुन ३ गते सम्म हुने भएको छ। पोखरा रंगशालामा हुने प्रतियोगिताको समय तालिकाका लागि आयोजकको अनुरोधमा कास्की जिल्ला फुटबल संघले अखिल नेपाल […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकालाई हराएको छ । दशरथ रंगशालामा सम्पन्न खेलमा नेपालले श्रीलंकामाथि ६-० को जित निकाल्दै समूह विजेता बन्न सफल भयो । नेपालका लागि रेखा पौडेलले २ गोल गर्दा सावित्रा भण्डारी साम्बा, रश्मीकुमारी घिसिङ, सविता राना मगर र अमिषा कार्कीले १-१ गोल गरे […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकासँग खेलिरहेको छ । पहिलो हाफमा नेपाल ४-० ले अघि छ । सुरुवाती मिनेटदेखि आक्रमण बुनेको नेपालले पहिलो हाफ अवधिभर श्रीलंकालाई दबाबमा राखेको छ । सावित्रा भण्डारी साम्बाले पहिलो रोजाइमा खेल्दै उच्च प्रदर्शन गरेकी छिन् । उनले नेपालले गरेको ४ गोलमा […]