काठमाडौं, असोज ४ ।
आज सतदोबाटो स्तिथ एन्फा कम्प्लेक्समा भएको राष्ट्रिय लिगको प्रतिस्पर्धात्मक खेलमा स्टार खेलाडीहरु बिना उत्रीएको नेपाल पुलिस क्लबले थ्री स्टार क्लब सँग २-२ को बराबरी खेलेको छ ।
Arko.Asia
आज पुलिसले अगिल्लो दुई खेल मा इन्जुरिका कारण खेल्न नसकेका किपर रितेश थापा र जुमानु राईलाई उतारेको थियो भने थ्री स्टारले सन्तोश साहुखलालाइ बेन्च गर्दै ओलवले अफीजलाई अगाडी खेलाएको थियो । पुलिसका नियमित खेलाडिहरु सुमन सुबेदी, भोला सिलवाल र रबिन श्रेष्ठ अझै पनि चोट सँग जुधी रहेका छन ।
बर्षाका कारण केहि बेर ढिलो सुरु भएको खेलमा सुरु बाटनै दुबै टोली आक्रमक देखिएका थिए । दुबै टोलिले प्रायस गरे पनि पहिलो गोल भने ३७औं मिनटमा थ्री स्टारका सागर थापाले गरे । सागरको लङ बलमा अफिजले रितेश थापालाई झुक्काएपछी गोल सम्भव भएको थियो तर तेस्को ३ मिनट नबित्दै जुमानु राईले चिप गोल गर्दै खेल बराबरीमा लेराए ।
दोस्रो हाल्फको सुरुवातमै थ्री स्टार क्लब आक्रमक देखिएको थियो र पुलिसका कीपरले उत्कृष्ट बचाउहरु गरे । दोस्रो हाल्फको २४औ मिनटमा सन्तोश साहुखलाले लिगमा बेक्तिगत ९७औं गोल गर्दा पटने क्लब २-१ को आग्रतामा पुगे पनि बिष्णु सुनुवारले भरत शाहलाई लडाएपछी पाएको पेनाल्टी जुमानुले प्रहार गर्दा किरन चेम्जोङले बचाएपनी रिबाउण्डमा योगेश श्रेष्ठले गोल गरे । बिष्णुले रेड कार्ड पाएपछी थ्री स्टार १० खेलाडिमा सिमित भएको थियो । खेलमा तेसपछी कुनै गोल हुन सकेन र २-२मा अन्त्य भयो । खेलको उत्कृष्ट खेलाडी राष्ट्रिय टिम र थ्री स्टार क्लबका कप्तान सागर थापा भए ।
