default_image

10 months ago

September 28, 2023

वीरगन्ज युनाइटेड – सिंह टेक्निकल इाडरेक्टर, श्रेष्ठ मुख्य प्रशिक्षक

2164 views

0 Bookmark

काठमाडौं (हाम्रो खेलकुद)– राष्ट्रिय फुटबल टोलीका पूर्व कप्तान एवंम् गोलकिपर उपेन्द्रमान सिंह ५ वर्षपछि फुटबल प्राविधिकका रुपमा फर्कने भएका छन् ।

नेपाल सुपर लिग (एनएसएल) टोली वीरगन्ज युनाइटेड एफसीले सिंहलाई टेक्निकल डाइरेक्टर नियुक्त गरेको छ । साथै वीरगन्जले सनोज श्रेष्ठलाई टोलीको मुख्य प्रशिक्षकको जिम्मेवारी दिएको छ । वीरगन्जका सिइओ अरविन्द बरालले सिंह र श्रेष्ठ टोलीमा आबद्ध भएको बताएका छन् ।

‘उहाँहरु फुटबलमा स्थापित नाम हो । हामीले पुरानो खेलाडी, प्रशिक्षक र प्राविधिक दक्षता पनि भएका कारण उपेन्द्रमान सिंहलाई प्रस्ताव गर्यौं । मिलेर काम गरौं भन्यौं, बरालले भने, उहाँले सहर्ष स्वीकार गर्नुभयो ।’

अखिल नेपाल फुटबल संघ (एन्फा) ५ वर्षअघिको निर्वाचनमा उपाध्यक्षमा प्रतिस्पर्धा गर्नका लागि डेपुटी टेक्निकल डाइरेक्टर पदबाट राजीनामा दिएका थिए । त्यति बेला उनी उपाध्यक्षमा निर्वाचित भएका थिए । गत वर्ष पुनः उपाध्यक्षमा उम्मेदवारी दिएर पराजित भएयता उनी कुनै जिम्मेवारीमा थिएनन् ।

‘अहिले खाली नै छु । उहाँहरुले प्रस्ताव गर्नुभयो,’ सिंहले भने, ‘आफूमा भएको अनुभवलाई फुटबलमै प्रयोग गर्ने हो । अनि प्रस्ताव स्वीकार गरे । आफ्नोतर्फबाट सक्दो राम्रो गर्न प्रयास गर्नेछु ।’

प्रशिक्षक श्रेष्ठले सहिद स्मारक ए डिभिजन लिगमा सातदोबाटो युथ क्लबलाई प्रशिक्षण दिएका थिए । ‘सनोज श्रेष्ठसँग पनि प्रशिक्षणको लामो अनुभव छ, वीरगन्जको सिइओ बरालले भने, ‘हामी सबै मिलेर एउटा टिमको रुपमा काम गरौं भन्ने प्रस्तावमा उहाँ पनि तयार हुनुभयो ।’

वीरगन्जले एनएसएलको अक्सनको दुई दिन अघि टेक्निटकल डाइरेक्टर र मुख्य प्रशिक्षकको टुंगो ललगाएको हो । मंसिर ८ गते बाट सुरु हुने एनएसएलका लागि शनिबार खेलाडीको अक्सन हुँदैछ । वीरगन्जसहितका ३ नयाँ र पुराना ६ गरि ९ टोलीबीच एनएसएलको दोस्रो संस्करणमा प्रतिस्पर्धा हुनेछ ।

July 15, 2024

रोड्रिगेज कोपा अमेरिकाको उत्कृष्ट खेलाडी

एजेन्सी – उपविजेता कोलम्बियाका कप्तान हामेस रोड्रिगेज कोपा अमेरिका २०२४ को उत्कृष्ट खेलाडी घोषित भएका छन् । अर्जेन्टिना विरुद्ध फाइनलमा १-० ले पराजित भएपनि उनले उत्कृष्ट खेलाडीको उपाधि हात पारेका हुन् । प्रतियोगिता अवधिभर उनले १ गोलका साथै ६ असिस्ट गर्न सफल रहे । फाइनलमा भने उनी अतिरिक्त समयको सुरुवात परिवर्तन भएका थिए । यस्तै […]

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

July 15, 2024

रोड्री युरो कपको उत्कृष्ट खेलाडी

एजेन्सी – स्पेनका मिडफिल्डर रोड्री युईएफए युरो कप २०२४ का सर्वोत्कृष्ट खेलाडी घोषित भएका छन् । स्पेनले प्रतियोगिताको उपाधि जितेसँगै रोड्री उत्कृष्ट खेलाडी घोषित भएका हुन् । रोड्रीले स्पेनका ७ मध्य ६ खेलमा सुरुवाती रोजाइमा रहेर खेले । उनको फाबियान रुइज मिलेर स्पेनको मिडफिल्डमा उत्कृष्ट प्रदर्शन गरे । डिफेन्सिभ मिडफिल्डर उनले जर्जिया विरुद्धको खेलमा गोल […]

Success

Thank you for your time.