काठमाडौं (हाम्रो खेलकुद)– नेपाल सुपर लिग (एनएसएल) को दोस्रो संस्करणका लागि खेलाडी अक्सन आज काठमाडौंमा सम्पन्न भएको छ । अक्सनमा १ सय ७८ खेलाडी प्रस्तुत भएका थिए । जसमध्ये ए ग्रेडमा २७ खेलाडी थिए ।

ती २७ मध्ये १० खेलाडी अधिकत्म मुल्य ३ लाख ५० हजाारमा विक्री भएका छन् । १० मध्ये पनि राष्ट्रिय फुटबल टोली तथा थ्री स्टारका मिडफिल्डर लाकेन लिम्बुमा सर्वाधिक क्लबको चासो रहेको थियो । उनलाई एनएसएलमा सहभागी सबै ९ क्लबले किन्न चाहेका थिए । गोलाप्रथामा उनी झापा एफसीमा पुगे ।

राष्ट्रिय टोलीका अर्का खेलाडी सनिश श्रेष्ठलाई धनगढी एफसी बाहेक ८ टोलीले लिन चाहेका थिए । गोलाप्रथामा उनी ललितपुर सिटी एफसीमा परे । अधिकत्म मुल्यमा ललितपुर ३ खेलाडी प्राप्त गर्दा अन्य ७ टोलीको भागमा समान १ खेलाडी परे । गोलप्रथामा बुटवललाई अधिकत्म मुल्यका खेलाडी परेन ।

अक्सनमा ए,बी,सी ग्रेडमा खेलाडी छुटइएको थियो । ए ग्रेडका खेलाडीको न्यूनतम मुल्य १ लाख ५० हजार थियो । त्यस्तै बी ग्रेडका खेलाडीको मुल्य न्युनत्तम १ लाख रुपैयाँ देखि उच्चतम १ लाख ५० हजार रुपैयाँ रहेको थियो । त्यस्तै सी ग्रेडका खेलाडीको मुल्य न्युनत्तम ८० हजार र अधिकत्म १ लाख ३० हजार रुपैयाँ रहेको थियो ।

मंसिर ८ गतेबाट सुरु हुने यसपटकको एनएसलमा ९ टोलीले प्रतिस्पर्धा गर्दैछन् । विराटनगर सिटी एफसीले सहभागिता नजनाउने भएपछि पहिलो संस्करणमा खेलेका ६ र नयाँ ३ सहित ९ टोलीले यो संस्करण खेल्नेछन् । प्रत्येक टोलीले अक्सन बाहेक छ विदेशी खेलाडीलाई अनुबन्ध गर्न पाउने छन्। त्यसमध्ये एक पटकमा बढीमा ५ खेलाडी मैदानमा उत्रिने पाउने छन्।

पहिलो संस्करणका काठमाडौं रेजर्स, ललितपुर सिटी एफसी, एफसी चितवन, धनगढी एफसी, बुटवल लुम्बिनी एफसी र पोखरा थन्डर्स सहित ३ नयाँ टोली झापा एफसी, विरगन्ज युनाइटेड एफसी र स्पोर्टिङ्ग मेची डे इलामले दोस्रो संस्करणको उपाधिका लागि प्रतिस्पर्धा गर्नेछन् ।

अधिकत्म मुल्यमा विक्री भएका १० खेलाडी

सेसेहाङ आङदेम्बे- ललितपुर सिटी एफसी

दिनेश हेन्जन- ललितपुर सिटी एफसी

सनीश श्रेष्ठ- ललितपुर सिटी एफसी

सीमान्त थापा- विरगन्ज युनाइटेड एफसी

लाकेन लिम्बु- झापा एफसी

कृतिस रत्न छुन्जु- धनगढी एफसी

आशिष गुरुङ- स्पोर्टिङ्ग इलाम डे मेची

सुदिप गुरुङ- विरगन्ज युनाइटेड एफसी

छिरिङ गुरुङ- एफसी चितवन

दिपेश गुरुङ- काठमाडौं रेजर्स

मार्की खेलाडीहरु

काठमाडौं – हिसुब थपलिया

ललितपुर- अनन्त तामाङ

चितवन- विशाल श्रेष्ठ

धनगढी- आशिष चौधरी

बुटवल- एरिक विष्ट

पोखरा- आयुष घलान

झापा – अन्जन विष्ट

इलाम- विकेश कुथु

वीरगन्ज – दिप कार्की