10 months ago
October 1, 2023
एजेन्सी – जोएल म्याटिपले अन्तिम समयमा आत्मघाती गोल गरेसँगै इंग्लिस प्रिमियर लिगमा शनिबार ९ खेलाडीमा सिमित लिभरपुल टोटेनहमसँग २-१ ले पराजित भएको छ।
टोटेनहमको घरेलु मैदानमा भएको खेलमा २ खेलाडीले रातो कार्ड पाएपनि लिभरपुलले टोटेनहमलाई अन्तिम समय सम्म बराबरीमा रोकिएको थियो। तर १-१ को अवस्था रहिरहँदा इन्जुरी समयको छैठौं मिनेटमा पेड्रो पोरोको क्रसलाई क्लियर गर्ने क्रममा म्याटिपले बललाई आफ्नै पोस्टको दिशा दिएका थिए ।
यसअघि खेलको २६औं मिनेटमा लिभरपुलका कर्टिस जोन्सले टोटेनहमका विसुमालाई गरेको ट्याकलका कारण रातो कार्ड पाएपछि लिभरपुल १० जनामा सिमित भएको थियो।
३४औं मिनेटमा विवादित अफसाइडका कारण लिभरपुल अग्रता लिन बाट बञ्चित भयो। त्यसको दुई मिनेट पश्चात सन ह्युङ-मिनले गोल गर्दै टोटनहमलाई अग्रता दिलाएका थिए। पहिलो हाफको अन्तिमतिर लिभरपुलले बराबरी गोल गर्यो। कोडी गाक्पोले गोल गर्दै खेललाई बराबरीमा ल्याएका थिए।
६९औं मिनेटमा डिएगो जोटा दोहोरो पहेँलो कार्ड खाँदै मैदान बाहिरिँदा लिभरपुल ९ खेलाडीमा सिमित भएको थियो। त्यसका बाबजुद लिभरपुलले अन्तिम समयसम्म टोटेनहमलाई रोकेको थियो। तर एक आत्मघाती गोलका कारण लिभरपुलका हार बेहोर्न पुग्यो।
हारपछि लिभरपुलले शीर्ष स्थानमा उक्लिने मौका गुमाएको छ। लिभरपुलको ७ खेलमा १६ अंक छ । टोटेनहम १७ अंक सहित तालिकाको दोस्रो स्थानमा उक्लिएको छ। पहिलो स्थानमा रहेको म्यानचेस्टर सिटीको ७ खेलमा १८ अंक छ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]