default_image

10 months ago

October 4, 2023

एन्फा आपतकालिन बैठकका लागि कोरम पुगेन !

896 views

0 Bookmark

काठमाडौं (हाम्रो खेलकुद) – अखिल नेपाल फुटबल संघ (एन्फा) मा घटनाक्रम नयाँ देखिने क्रम जारी छ । कार्यसमितिको बुधबारका लागि बोलाएको आपतकालिन बैठकमा गणपुरक संख्या नै पुग्न सकेन ।

केन्द्रीय समितिको २१ मध्ये १० जना मात्र सातदोबाटोस्थित एन्फा मुख्यालय पुगेको बताइएको छ । यद्दपी अध्यक्ष पंकजविक्रम नेम्बाङले आफू अनुकुल निर्णय गराएर बैठकमा उपस्थित नभएका केहि सदस्यलाई सहि गराउन प्रयास गरिरहेको बुझिएको छ ।

भदौ १९ गते एन्फाका ४९ साधारण सभा सदस्यले अध्यक्ष नेम्बाङ र महासचिव किरण राईको बर्खास्तीको माग गर्दै एन्फाका वरिष्ठ उपाध्यक्ष वीरबहादुर पत्रलाई निवेदन बुझाएका थिए । एन्फाले त्यसलाई अनुशासन समितिमा पठाएको थियो ।

महासचिव राईले बुधबारका लागि आपकालिन बैठकको एन्फा पदाधिकारी र सदस्यलाई पत्र पठाएका थिए । तर, आवश्यक कोरम नै नपुगेपछि एन्फा नेतृत्व अलमलमा परेको छ ।

अध्यक्ष नेम्बाङविरुद्धको बर्खास्तको प्रस्तावलाई एन्फा साधारण सभामा पेश गर्ने र महासचिव राईलाई कार्यसमितिले नियुक्त गरेकोले उनको विषयलाई साधारण सभामा नलाने निर्णयमा बहुमतको सहि जुटाउन प्रयास थालेको एक एन्फा सदस्यले जानकारी दिए ।

वरिष्ठ उपाध्यक्ष खड्का दुई उपाध्यक्ष विराटजंग शाही, दीर्घबहादुर (कुमार) केसी सहित अन्य ८ केन्द्रीय सदस्य बुधबारको बैठकमा उपस्थित नभएको बताइएको छ । अध्यक्ष नेम्बाङ, दुई उपाध्यक्ष दीपक खतिवडा, दावा लामा सदस्यहरु महेन्द्र विष्ट, दीपेन्द्र धिमाल भरतबहादुर बुढ थापा, सरिला श्रेष्ठ , पुरुषोत्तम थापा, विकासनारायण श्रेष्ठ र टिकाराम लामा मात्र उपस्थित रहेको बताईको थियो ।

बैठकमा उपस्थित नहुनेमा वरिष्ठ उपाध्यक्ष खड्का, उपाध्यक्ष शाही, केसीसहित केन्द्रीय सदस्यहरुमा रुपेश अधिकारी, रविन चन्द , रमेश व्यन्जनकार, पेमा डोल्मा लामा , मनीष जोशी, मणिराज विष्ट, भोजराज शाही, अनिल मल्ल छन् । सदस्य मध्ये दुई जनालाई बैठकको निर्णयमा सहि गराउने प्रयास भइरहेको बताइएको छ ।

आकष्मिक बैठक साधारण सभा तथा विश्व कप छनोटको विषयमा छलफल गर्न बोलाइएको बताइएको छ । नेपाल र लाओसबीच असोज २५ गते दशरथ रंगशालामा विश्व कप छनोटको पहिलो लेग हुँदैछ ।

July 25, 2024

मछिन्द्र र चर्च ब्वाइज विजयी

काठमाडौं (हाम्रो खेलकुद) – ललित स्मृति यु-१८ लिगमा बिहीबार मछिन्द्र एफसी र चर्च ब्वाइज युनाइटेड विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा मछिन्द्रले एफसी खुमलटार क्लबमाथि २-१ को जित दर्ता गरेको हो । कविर तामाङ र रोनिक राना मगरले मछिन्द्रका लागि गोल गरे । यस्तै खुमलटारका लागि पवन दर्लामीले गोल फर्काएका […]

July 25, 2024

एएफसी प्लेअफ खेलमा केल्मीको बल प्रयोग हुने

काठमाडौं (हाम्रो खेलकुद) – नेपालको लिग च्याम्पियन अपि पावर चर्च ब्वाइज युनाइटेडले यसै महिनाको अन्त्यमा खेल्ने एएफसी च्यालेन्ज लिगको प्लेअफ खेलमा केल्मीको बल प्रयोग हुने भएको छ । नेपालको लागि केल्मीको आधिकारिक विक्रेता कामारु ट्रेडिङले चर्च ब्वाइजलाई प्रतियोगिता र प्रशिक्षणका लागि आवश्यक म्य्च बल उपलब्ध गराउने भएको हो । केल्मी र एएफसीबीच सन् २०२१ देखि […]

July 25, 2024

करिब दुई घण्टापछि गोल रद्द गर्दा अर्जेन्टिना पराजित

एजेन्सी – गोल गरेको करिब २ घण्टापछि गोल रद्द भएपछि पेरिस ओलम्पिकमा पुरुष फुटबलको आफ्नो पहिलो खेलमा अर्जेन्टिना पराजित भएको छ । अर्जेन्टिना मोरोक्कोसँग २-१ ले पराजित भएको हो । सोफियान रहिमीले पहिलो हाफको अन्त्यमा र ४९औं मिनेटमा गोल गर्दै मोरक्कोलाई खेलमा २ गोलको अग्रता दिलाएका थिए । ६८औं मिनेटमा जिउकियानो सिमिओनेले अर्जेन्टिनाका लागि एक […]

Success

Thank you for your time.