2 years ago
October 7, 2023
काठमाडौं (हाम्रो खेलकुद) – राष्ट्रिय फुटबल टोलीका पूर्व कप्तान एवंम हरि खड्काले फिल्ममा अभिनय गर्ने भएका छन् । महिला राष्ट्रिय फुटबल टोलीकी गोलकिपर एन्जिला तुम्बापो सुब्बाको जीवनमा आधारित अन्जिलामार्फत खड्काले फिल्ममा डेब्यू गर्ने भएका हुन् ।
फिल्मका निर्माता प्रेमकुमार श्रेष्ठ र खड्काबीच शुक्रबार फिल्मका लागि सम्झौता भएको हो । उनले फिल्ममा फुटबल प्रशिक्षकको भूमिका निर्वाह गर्नेछन् ।
‘प्रेम श्रेष्ठले पहिला देखि नै भन्नुभएको थियो । तर मैले गर्ने नगर्ने निर्णय लिन सकिरहेको थिइन्, खड्काले भने, निर्देशकसँगको सल्लाहपछि फेरि उहाँले प्रस्ताव गर्नुभयो । आफूले वास्तविक जीवनमै निर्वाह गरिरहेको भूमिकामा अभियन गर्ने प्रस्ताव आएपछि सहज होला भन्ने विश्वासमा तयार भएको हु । ’
वास्तविकतामा आधारित भएको फिल्म भएकोले खड्कालाई राष्ट्रिय टोलीको प्रशिक्षककै भूमिकामा खेलाउँदा उपयुक्त देखेर प्रस्ताव गरेका हौं,’ निर्माता श्रेष्ठले भने, ‘उहाँमा अभियन गर्ने आत्मविश्वास पनि देखिन्छ ।’
खड्काले यसअघि कप्तानमा पनि पर्दा पछाडि रहेर सहयोग गरेका थिए । खड्का महिला राष्ट्रिय टोलीका पूर्व प्रशिक्षक पनि हुन् । देशका लागि सर्वाधिक अन्तर्राष्ट्रिय गोल गर्ने दुई मध्ये खड्का एक हुन् । उनले र नीराजन रायमाझीले समान १३ गोल गरेका छन् । तीन वर्षअघि हिमालयन टेलिभजिनको डान्सिङ विद द स्टार्स नेपालमा पनि खड्काले भाग लिएका थिए ।
अन्जिला निर्माणको घोषणा २०७८ चैत ८ गते भएको थियो । फिल्ममा अञ्जिलाको भूमिका एन्जिलाले नै निर्वाह गर्नेछिन् ।
केन्द्र मोसन पिक्चर्सको प्रस्तुतीमा रहने फिल्म निर्माणको सहकार्य मुन लभ इन्टरटेमेन्टले गर्नेछन् । एन्जिलासँगै दयाहाङ राई, सृजना सुब्बा, बुद्धि तामाङ, माउत्से गुरुङ, प्रेमकुमार श्रेष्ठलगायतको फिल्ममा अभिनय रहने घोषणाका क्रममा बताइएको थियो ।
श्रेष्ठ र केन्द्र लिम्बु निर्माता रहेको फिल्ममा सह निर्मातामा विनोद अग्रवाल र राजेश अग्रवाल रहेका छन् । फिल्मको निर्देशक मिलन चाम्स हुन् । फिल्म छायाङ्कन गत वर्षबाटै गर्ने भनिएपनि कात्तिक १० गतेबाट फिल्म निर्माण सुरु गर्ने निर्माता श्रेष्ठले जानकारी दिए । फिल्म इलामको फिक्कल र काठमाडौंमा छायाङ्कन गर्ने बताइएको छ ।
July 10, 2025
काठमाडौं (हाम्रो खेलकुद) – एएफसी यु-२३ एसियाली कप छनोटको बन्द प्रशिक्षणमा ४० खेलाडीलाई बोलाइएको छ । सातदोबाटोस्थित एन्फा कम्प्लेक्समा आयोजित विभिन्न चरण छनोट पछि यू-२३ राष्ट्रिय टोलीको बन्द प्रशिक्षणका लागि ४० खेलाडीहरू छनोट भएका हुन् । मुख्य प्रशिक्षक नवीन न्यौपानेले पहिलो चरणको ट्रायलका लागि बोलाइएका ८९ खेलाडीहरूको प्रारम्भिक समूहबाट बन्द प्रशिक्षणको लागि टोली छनोट गरेको […]
July 10, 2025
काठमाडौं (हाम्रो खेलकुद) – एन्फा यु-१६ युथ लिगमा मनाङ मर्स्याङ्दी र मछिन्द्र क्लबले बराबरी खेल्दा न्युरोड टिम एनआरटीले जित निकालेको छ । एन्फा कम्प्लेक्स सातदोबाटोमा बिहिबारको दोस्रो खेलमा मनाङ र मछिन्द्रले १-१ को बराबरी खेले । मछिन्द्रका करन धामीले तेस्रो मिनेटमा नै गोल गर्दै टोलीलाई अग्रता दिलाए । खेलको १६औं मिनेटमा मछिन्द्रका सुमन बम ठकुरीले […]
July 10, 2025
काठमाडौं (हाम्रो खेलकुद) – फिफा वरीयता नेपाली पुरुष राष्ट्रिय फुटबल टोलीको वरीयता खस्किएको छ । फुटबलको सर्वोच्च निकाय फिफाले बिहीवार सार्वजनिक गरेको नयाँ वरीयतामा नेपाल एक स्थान खस्किएको हो । नयाँ वरीयतामा नेपाल १ सय ७६औं स्थानमा छ। यसअघि नेपाल १ सय ७५औं स्थानमा थियो । नेपालीले पछिल्लो समय दुई अन्तर्राष्ट्रिय खेल खेलेको थियो । […]