1 year ago
October 7, 2023
काठमाडौं ( हाम्रो खेलकुद)- नेपाल सुपर लिग (एनएसएल) टोली झापा एफसीले नेपाली राष्ट्रिय फुटबल टोलीका पूर्व कप्तान हरि खड्कालाई ब्रान्ड एम्बेसडर नियुक्त गरेको छ ।
कीर्तिमानी फरवार्ड खड्कालाई झापा एफ.सी.ले दोस्रो संस्करणको एनएसएलका लागि आफ्नो ब्रान्ड एम्बेसेडरको रूपमा घोषणा गरेको हो । खड्का र नीराजन रायमाझीले राष्ट्रिय टोलीका लागि सबैभन्दा बढी १३ गोल गरेका छन् ।
‘ फुटबलका हस्तीलाई हरि खड्कालाई हाम्रो ब्रान्ड एम्बेसेडरको रूपमा पाउनु झापा एफ.सी.को लागि गौरवको विषय हो । नेपाली फुटबलमा उनको अतुलनीय योगदान र झापा जिल्लासँगको उनको सम्बन्धले यो साझेदारीलाई साँच्चै विशेष बनाएको छ ,’झापा एफ.सी.का अध्यक्ष अर्पण विक्रम खड्काले भने।
मैदानमा आफ्नो उत्कृष्ट खेल र कलाकौशलका लागि परिचित खड्काले पनि यो नयाँ भूमिकाको बारेमा आफ्नो उत्साह व्यक्त गरे। ‘ झापा एफ.सी. नेपाली
फुटबललाई केही परिवर्तन गर्ने अठोटका साथ आएको छ र मेरै जिल्लाको क्लबलाई प्रतिनिधित्व गर्न पाउनु सम्मानको विषय हो,’ खड्काले भने,’ फुटबलको विकासमा योगदान दिन र झापा एफ.सी.लाई एनएसएलमा समर्थन गरी आफ्नो तर्फबाट गर्न सक्ने सम्पूर्ण सहयोग गर्न तत्पर छु।’
झापा एफ.सी महासचिव सुजन गौतमले भने,
‘झापा एफ.सी.मा हरि सरको संलग्नता हाम्रो क्लब र हाम्रा खेलाडीहरूको लागि महत्त्वपूर्ण हुनेछ। उहाँको अनुभव र खेलप्रतिको लगावले पक्कै पनि हाम्रो टोलीलाई आगामी एनएसएलमा उत्कृष्ट प्रदर्शन गर्न प्रेरित गर्नेछ।’
झापा एनएसएल पहिलो पटक खेल्ने ३ टोली मध्येको एक हो । ९ टोलीको सहभागितामा एनएसएल मंसिर ८ गतेदेखि दशरथ रंगशालामा सुरु हुँदैछ।
February 12, 2025
एजेन्सी – फ्रान्सेली क्लब पेरिस सेन्ट जेर्मन(पिएसजी), जर्मन क्लब बुरुसिया डर्टमुन्ड र इटालियन क्लब युभेन्टसले च्याम्पियन्स लिगको प्लेअफको पहिलो लेग खेलमा बुधवार जित हात पारेका छन् । पिएसजीले अर्को फ्रान्सेली क्लब ब्रेस्टलाई ३-० ले पराजित गर्यो । ब्रेस्टको घरेलु मैदानमा भएको खेलमा पिएसजीको जितमा ओस्मान डेम्बेलेले २ र भिटिन्हाले १ गोल गरे । भिटिन्हाले २१औं […]
February 12, 2025
एजेन्सी – स्पेनिस क्लब रियल मड्रिडले इङ्ग्लिस क्लब म्यानचेस्टर सिटीमाथि च्याम्पियन्स लिग प्लेअफको पहिलो लेगमा रोमाञ्चक जित निकालेको छ । रियलले बुधवार सिटीमाथि ३-२ को जित निकालेको हो । दुई पटक खेलमा पछि परेर पनि रियल नतिजा उल्टाउन सफल भयो। सिटीको मैदानमा भएको खेलमा रियलको जितमा किलियन एमबाप्पे, ब्राहिम डियाज र जुड बेलिंघमले समान गोल […]
February 11, 2025
हिमाल खरेल, बिर्तामोड अर्जुनधारा नगरपालिकाको टोली अप्रत्यासित नतिजा निकाल्दै झापाको बिर्तामोडमा जारी प्रथम झापा जिल्ला अन्तरपालिका महिला फुटबलको सेमिफाइनलमा पुगेको छ । बिर्तामोडस्थित डोमालाल राजवंशी रंगशालामा आज भएको दोस्रो क्वाटरफाइनलमा झापा गाउँपालिकालाई १६-० गोलको वर्षा गर्दै अर्जुनधाराले अन्तिम चारमा पुगेको हो । एक पक्षीय खेलमा अर्जुनधाराका लागि जेनिफर मगर एक्लैले ५ गोल गरिन् । त्यस्तै, […]