एजेन्सी –इंग्लिस प्रिमियर लिगम आइतबार लिभरपुल र ब्राईटनले २–२ को रोमाञ्चक बराबरी खेलेका छन् । घरेलु मैदान एमेक्स स्टेडियममा भएको खेलमा ब्राईटनको लागि सिमोन अडिनग्रा र बेन डंकले गोल गरे । लिभरपुलका लागि दुबै गोल मोहम्मद सालाहले गरे ।

ब्राईटनले खेलको २०औं मिनेटमा अडिनग्राको गोलमा अग्रता लिएको थियो । एलेक्सिस मक अल्लिस्टर बक्स बाहिर सचेत नरहँदा अडिनग्राले बल खोसेर सहजै गोल गरेका थिए। सालाहले ४०औं मिनेटमा बराबरी गोल गरे । उनले डार्विन नुनेजको पासमा गोल गरेका थिए ।

पहिलो हाफको अन्त्य तिर लिभरपुलले पेनाल्टी मार्फत अग्रता लिने मौका पायो । सालाह पेनाल्टीमा चुकेनन् र टोलीलाई अग्रता दिलाए । ७८औं मिनेटमा पछि पारेको ब्राइटनले बराबरी गोल गर्यो । सोल्ली मार्चको क्रसमा बेन डंकले गोल गर्दै टोलीलाई हारबाट जोगाए ।

बराबरी पछि लिभरपुल ७ खेलमा १७ अंक सहित तेस्रो स्थानमा रहँदा ब्राईटन १६ अंक सहित छैठौं स्थानमा छ । प्रिमियर लिगका अरु दुई खेलपनि बराबरीमा टुंगिएका छन् । वेस्ट ह्याम र न्युक्यासल युनाइटेडले २–२ र वल्भ्स र एस्टन भिल्लाले १–१ को बराबरी खेलेका छन् ।

आज राती ९ः१५ बजे दुई उपाधि दाबेदार टोली म्यानचेस्टर सिटी र आर्सनलले एकअर्काको सामना गर्ने छन्।