किर्गिस्तानमा आयोजित ए.एफ्.सी यु१६ च्याम्पिएनसिपको छनोट चरणमा उत्कृष्ट प्रदर्शन गरेको नेपाली टोली भोली बिहान नेपाल आइपुग्ने कार्यक्रम रहेको छ|
पहिलो खेलमा जोर्डनलाई २-१ले हराएको नेपालले दोश्रो खेलमा आयोजक राष्ट्र किर्गिस्तानलाई ४-२ले हराएको थियो| समुहको अन्तिम खेलमा ओमानसंग ३-१को हार व्यहोरेपनि समुह उपविजेता बनेको नेपाल अन्तिम चरणमा पुगेको हो|
प्रतियोगिताको नियमानुसार उत्कृष्ट चार उपविजेता भारतमा हुने अन्तिम चरणको प्रतियोगितामा भाग लिन पाउने छन्|
बिहान ७ बजे टर्किस एअरलाइन्समा नेपाल अवतरण गर्ने कार्यक्रम रहेको एन्फाले जानकारी दिएको छ| यससंगै एन्फाले दर्शकहरुलाई पनि विहान विमानस्थलमा उपस्थित भएर खुशी साटासाट गर्न अनुरोध गरेको छ
